„Nú erum við komin í al­vöru Drakúlaleik“

Inga Sæland mennta- og barnamálaráðherra sat fyrir svörum um skipulagsbreytingar á framhaldsskólastiginu í Smiðju í morgun. Ljós í salnum voru til vandræða og duttu tvisvar út. Þá grínaðist ráðherrann með það að birtan væri helst til of mikil í salnum og að hún hefði nú ekki ætlað sér að mæta með sólgleraugu í salinn.

„Nú fer þetta að verða rómantískt,“ grínaðist Inga þegar ljósin duttu út í fyrra skiptið. Þá var hún að flytja framsöguræðu sína fyrir nefndinni.

Hún náði þó ekki að klára ræðuna áður en þetta gerðist að nýju. „Nú erum við komin í alvöru Drakúla leik,“ sagði ráðherrann þá.