Al­vöru inniveður um helgina

„Snemma í fyrramálið þá taka við hríðar- og vindaviðvaranir eiginlega frá Snæfellsnesi og Breiðafirði og yfir á norðanvert landið, rétt sem Þannig að það er, það er virkilega hvasst í þessu,“ segir Sigurður Ragnarsson, betur þekktur sem Siggi Stormur, sem ræddi veðrið í Reykjavík síðdegis á Bylgjunni í dag. Nú sé djúp lægð suðvestur af landinu sem sendi yfir landsmenn óstöðugt loft og útskýri þrumuveðrið sem gerði mörgum lífið leitt í dag.

Úrkoma um mestallt land

„Það er mjög hvasst víðast hvar á landinu og helgin stefnir í afskaplega svipað veðurlag, það er að segja, að það má reikna með því að það verði úrkoma um mestallt land, svona í grófum dráttum. Það verður skást á Norðausturlandi en síðan með hækkandi hæð er hætt við slyddu eða jafnvel snjókomu.“

Þannig að það er hundleiðinlegt veður í kortunum núna um helgina?

„Já, ég er raunverulega að segja það að þetta er svona inniveður og annað í þessu sem rétt er að hafa í huga að jafnvel þó að hitinn sé sums staðar svona ágætur að deginum núna, svona inn í helgina, þá er að kólna um helgina og þá má reikna með að það verði víða snjókoma eða él og mér sýnist á öllu að helgin fari í þetta, að koma þessu burtu og jafnvel verður það ekki fyrr en á þriðjudag sem þetta fer að verða skaplegra á nýjan leik. Þannig að ég myndi segja að fólk ætti nú að fara í það að mála bara inni eða taka til eða eitthvað heldur en að vera mikið úti í þessu veðri þó að þetta sé ekkert kannski hættulegt.“