Dag­skráin: Super Bowl og stórleikur Liverpool og Manchester City

Í kvöld fer fram stærsti íþróttaviðburður ársins í Bandaríkjunum þegar Seattle Seahawks og New England Patriots mætast í úrslitaleik NFL-deilarinnar, sjálfum Super Bowl en leikurinn um Ofurskálina fer nú fram í sextugasta sinn. Strákarnir í Lokasókninni ætla að hita upp fyrir leikinn og fylgja honum síðan eftir allt til leiksloka með skemmtilegum og fræðandi innkomum.

Stórleikur dagsins í enska boltanum er leikur Liverpool og Manchester City í ensku úrvalsdeildinni en City þarf sigur á móti erkifjendum sínum síðustu ár ætli þeir ekki að missa Arsenal of langt frá sér. Sunnudagsmessan mun síðan gera upp alla helgina í ensku úrvalsdeildinni eftir stórleikinn.

Bikarúrslitavikan í körfunni endar í dag með þremur bikarúrslitaleikjum hjá yngri flokkum en keppt er til úrslita í 9. flokki drengja, 12. flokki kvenna og 11. flokki karla.

Það verður einnig sýnt í ensku B-deildinni, þýsku Bundesligunni og golfmóti í Katar.

Hér fyrir neðan má sjá yfirlit yfir beinar útsendingar á sportstöðvunum í dag.

SÝN Sport Ísland

Klukkan 11.55 hefst bein útsending frá úrslitaleik ÍA og Fjölnis í VÍS-bikarkeppni 9. flokks drengja í körfubolta.

Klukkan 14.10 hefst bein útsending frá úrslitaleik Njarðvíkur og Vals í VÍS-bikarkeppni 12. flokks kvenna í körfubolta.

Klukkan 16.40 hefst bein útsending frá úrslitaleik Fjölnis/Vængja Júpiters og KR/KV í VÍS-bikarkeppni 11. flokks karla í körfubolta.

SÝN Sport

Klukkan 16.00 hefst bein útsending frá leik Liverpool og Manchester City í ensku úrvalsdeildinni í fótbolta.

Klukkan 18.35 hefst Sunnudagsmessan þar sem farið er yfir leiki helgarinnar í ensku úrvalsdeildinni.

Klukkan 22.00 hefst upphitun Lokasóknarinnar fyrir Super Bowl sextíu.

Klukkan 23.30 hefst bein útsending frá Super Bowl-leik Seattle Seahawks og New England Patriots í úrslitakeppni NFL um NFL-titilinn.

SÝN Sport 2

Klukkan 13.40 hefst bein útsending frá leik Brighton og Crystal Palace í ensku úrvalsdeildinni í fótbolta.

SÝN Sport 6

Klukkan 08.30 hefst bein útsending frá Qatar Masters-golfmótinu á DP World Tour.

SÝN Sport Viaplay

Klukkan 11.55 hefst bein útsending frá leik Swansea og Sheffield Wednesday í ensku B-deildinni í fótbolta.

Klukkan 14.20 hefst bein útsending frá leik Köln og RB Leipzig í þýsku Bundesligunni.

Klukkan 16.25 hefst bein útsending frá leik Bayern München og Hoffenheim í þýsku Bundesligunni.