Stella og Davíð sjóð­heitt nýtt par

Parið hefur verið að slá sér upp í einhverja mánuði og eru nýkomin heim úr rómantískri ferð á Kerlingafjöll yfir afmæli Stellu.

Davíð kom sinni heittelskuðu á óvart með ferð þangað og skrifaði Stella á Instagram síðu sinni að hún hefði ekki getað beðið um meiri draumadag. 

Stella Rósenkranz hefur komið víða við í ýmsum stórverkefnum. Hún er meðal annars danshöfundur fyrir IceGuys og hefur leikstýrt og samið dansa fyrir ýmsar auglýsingar og tónlistarmyndbönd, þar á meðal fyrir stórsveitina Of Monsters And Men. 

Stella sá sömuleiðis um dansinn fyrir stórtónleika Birnis um síðustu helgi sem vakti mikla athygli og sá um listræna stjórnun á nokkrum atriðum á tónleikunum. 

Ásamt því að reka tapas-og vínbarinn Skreið hefur Davíð meðal annars gert sjónvarpsþættina Allt úr engu fyrir Sýn og Matarboð fyrir Sjónvarp Símans.