Stjörnulífið: Dætur Jóns Ás­geirs og Geirs H. Haarde giftu sig

Ást í Prag

Tónlistarmaðurinn Jón Jónsson fagnaði ástinni í brúðkaupi í Prag.

Í stíl í Portúgal

Inga Tinna Sigurðardóttir forstjóri Dineout og Logi Geirsson, fyrrverandi landsliðsmaður í handknattleik, mættu í stíl í brúðkaup í Cascais í Portúgal.

Ítalskur draumur

Tónlistarmaðurinn Patrik Atlason og kærasta hans Friðþóra Sigurjónsdóttur, pílates-kennari, fögnuðu ástinni í brúðkaupi hjá frænda Patriks, Helga Frey Gíslasyni og listakonunni Ásu Karenu, dóttur athafnamannsins Jóns Ásgeirs Jóhannessonar, í ævintýralegu umhverfi á Ítalíu.

Nadía Atladóttir, knattspyrnukona, var glæsileg í gulum kjól í brúðkaupinu.

Ástin í Reykjavík

Hjónin Snorri Másson, þingmaður Miðflokksins, og Nadine Guðrún Yaghi fögnuðu ástinni í brúðkaupi vinkonu Nadine, Hildar Haarde, dóttur Geirs H. Haarde, og Baldurs Kára, á laugardaginn. 

Fanney Ingvarsdóttir, stafrænn markaðssérfræðingur hjá Bioeffect, og Teitur Páll Reynisson, viðskiptastjóri hjá Landsbankanum voru einnig meðal gesta.

Flottar í fimmtudagsafmælisferð

Andrea Róberts, Selma Björnsdóttir, Björk Eiðsdóttir, Hrund Gunnsteinsdóttir, Birna Bragadóttir og Hrönn Hoe Hinriksdóttir  og fleiri fóru í æskuvinkonuferð til Sitges í tilefni af fimmtíu ára afmæli þeirra í ár og í fyrra.

Októberfest-Heidi Klum

Rúrik Gíslason fór ásamt vini sínum Þorvarði Kristjánssyni í oktober-fest partý hjá ofurfyrirsætunni Heidi Klum í Þýskalandi. Rúrik hefur verið fastagestur í þessu sögulega teiti undanfarin ár. 

Stórtónleikar

Mikið var um tónleika um helgina og má þar nefna að Birnir hélt risa tónleika í Laugardalshöll þar sem helstu stórstórstjörnur landsins komu fram. Herra Hnetusmjör, GDRN, Birgir Hákon, Bríet, Jóhann Kristófer og Sturla Atlas voru þar í góðum fíling svo einhverjir séu nefndir.

Birgitta Líf Björnsdóttir og vinkonur hennar í LXS létu sig ekki vanta á tónleikana en þær kölluðu tónleikana LXS tónleikana því eitt vinsælasta lag Birnis heitir einmitt LXS.

Auður í Hafnarfirði

Tónlistarmaðurinn Auðunn Lúthersson hélt tónleika í Bæjarbíói í Hafnarfirði og var mikil stemmning.

Hlaupaveisla

Hlaupadrottningin Mari Jaersk tók ekki þátt í Bakgarðshlaupinu í ár heldur tók hún þátt í utanvega hlaupinu Julian Alps Trail Run og naut sín í botn. 

Sólarsæla

Ofurskvísan Móeiður Lárusdóttir sólaði sig á ströndinni í Grikklandi.

Fluttir í Kópavog

Helgi Ómarsson og Pétur Björgvin Sveinsson fengu nýja íbúð afhenta og eru fluttir í Kópavog.