Mikill við­búnaður vegna eftir­farar á Sæ­braut

Logi Sigurjónsson, aðalvarðstjóri hjá lögreglunni á höfuðborgarsvæðinu, staðfestir þetta í samtali við fréttastofu, en mbl greindi frá.

Logi segir að viðbúnaðurinn hafi verið vegna ökumanns sem hafi ekið á miklum hraða á móti umferð. Hann hafi ekki hlýtt stöðvunarmerkjum lögreglunnar, en för hans hafi verið stöðvuð á Sæbraut.

Hann segir að yfirleitt sé viðbúnaður lögreglunnar mikill þegar um er að ræða slíka eftirför.

„Það er yfirleitt öllu tjaldað til í svona eftirförum og við notum öll þau tæki sem eru laus.“

Hann segir að maðurinn hafi verið handtekinn og fluttur niður á lögreglustöð. 

Málið hans verði tekið fyrir í fyrramálið og þá verði ljóst meðal annars hvort hann verði sviptur ökuréttindum.