Færa Vestur-Íslendingum rausnarlega afmælisgjöf Rafn Ágúst Ragnarsson skrifar 20. júní 2025 21:12 Kyrtillinn er hvítur með ísaumuðu mynstri sem Sigurður málari sjálfur teiknaði. Aðsend Hópur kvenna og karla á vegum þjóðbúningafyrirtækisins Annríkis afhenti Vestur-Íslendingum nýjan þjóðbúning á fjallkonuna þeirra fyrir Íslendingadaginn sem haldinn er hátíðlegur í Gimli, höfuðborg Nýja-Íslands, í ágúst á ári hverju. Í ár eru 150 ár frá landnámi Íslendinga í Kanada. Sigrun Asmundsson, forseti Íslendingadagsins, tók við búningnum fyrir hönd Vestur-Íslendinganna en athöfnina voru einnig viðstaddar Jenny Hill, sendiherra Kanada á Íslandi, og Eliza Reid, fyrrum forsetafrú. Saumuðu búninginn í vetur Athöfnin fór fram seinni partinn í gær í fallegri lítilli kirkju á Minna-Knarranesi á Vatnsleysuströnd. Hópurinn sem afhenti búninginn telur nítján konur og þrjá karla sem unnu að því í sameiningu í vetur að sauma búninginn á fjallkonuna þar ytra en þar er hefð fyrir því, líkt og víða um landið, að fjallkonan komi fram í svokölluðum kyrtli en ekki skautbúningi, eins og hefð er fyrir í Reykjavík. Kyrtillinn er kvenbúningur sem var líkt og skautbúningurinn hannaður af Sigurði málara Guðmundssyni á árunum 1858 til 1870. Guðrún Hildur Rosenkjær stendur að þjóðbúningafyrirtækinu Annríki og á hennar vinstri hönd er Almar Grímsson.Aðsend Þessi tiltekni kyrtill er hvítur með ísaumuðu mynstri hönnuðu af Sigurði málara og var mynstrið sérvalið af konum á Nýja-Íslandi, að sögn Guðlaugar Sigurðardóttur sem er ein þeirra sem tók þátt í að skapa búninginn. Hún segir hugmyndina hafa sprottið upp þegar hópurinn heimsótti Gimli og Nýja-Ísland árið 2023 og tók þátt í hátíðarhöldunum á Íslendingadaginn. „Það er ótrúlegt að upplifa hvað fólk er enn þá tengt Íslandi eftir allan þennan tíma. Fólk talar íslensku og við fundum fyrir miklu þakklæti fyrir það að við fórum út og kynntum íslenska þjóðbúninginn. Þannig varð þessi hugmynd til að sýna í verki að okkur þyki vænt um þessi tengsl líka,“ segir Guðlaug. Kanadíska fjallkonan eldri en sú íslenska Hún segir fjallkonuna raunar eiga sér lengri hefð í Kanada en á Íslandi. Fjallkonan hafi komið fyrst fram á Íslendingadeginum árið 1924 fyrir rétt rúmum hundrað árum síðan og löngu áður en sautjándi júní var fyrst haldinn hátíðlegur hér á landi, enda var Ísland þá enn í konungssambandi við Danmörku. Á athöfninni voru ræðuhöld og tónlist og svo var búningurinn formlega afhentur. Sigrun Asmundsson ávarpaði hópinn og það gerðu Jenny Hill sendifrú og Almar Grímsson einnig. Almar er mikill Ný-Íslandsvinur og hefur farið í margar ferðir vestur um höf og hefur ramma taug til nýlendunnar. Í kirkjunni voru ekki bara eintómar tölur heldur lék Jakob Frímann Magnússon einnig á orgel og Margrét Bóasdóttir kórstjóri stýrði söng. Jenny Hill er sendiherra Kanada á Íslandi.Aðsend Guðlaug segir hópinn hafa valið þessa dagsetningu, nítjánda júní, sérstaklega vegna þess að í gær voru 110 ár frá því að íslenskar konur og eignalausir menn fengu kosningarétt og jafnframt 110 ár frá því að við fengum þann fána sem við eigum í dag. Því sé dagurin heilagur dagur bæði kvenna og þjóðlegra hefða. Önnur athöfn verður svo haldin í Gimli á meðan Íslendingahátíðin fer fram helgina 1. til 4. ágúst næstkomandi. Þá fylgir hluti hópsins búningnum og tekur þátt í hátíðarhöldunum. Það vill svo skemmtilega til að Gunnvör Daníelsdóttir-Asmundsson er fjallkonan í ár en hún er móðir Sigrunar Asmundsson forseta hátíðarinnar. Samkoman var líklega sú best klædda sem haldin hefur verið hér á landi í langan tíma.Aðsend Hjónin Birgir Þórarinsson og Anna Rut Sverrisdóttir eiga bæinn að Minna-Knarranesi. Jakob Frímann lék á orgel á athöfninni.Aðsend Hér er sú mýta afsönnuð að maður geti ekki verið snar í snúningum með víravirki og fald.Aðsend Íslendingar erlendis Kanada Tíska og hönnun Mest lesið Berbrjósta og bleikhærðar með byltingu Lífið Skiptir stærðin raunverulega máli? Lífið Fullkominn brúðkaupsdagur í sænskum kastala Lífið Einbýlishús með möguleika á makaskiptum Lífið „Blessaður, þú ert með heilaæxli“ Lífið Frumsýning á Vísi: Stikla fyrir aðra seríu af Bannað að hlæja Lífið Stórstjörnur í mögulegum ástarþríhyrningi Lífið Segir Gleðigönguna ekki vera fyrir sig en styður baráttuna Lífið Sagan þegar Villi Vill ákvað að lagið Söknuður yrði í eigin jarðarför Lífið Taumlaus gleði og stjörnum prýddir tónleikar Lífið Fleiri fréttir Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Ein glæsilegasta leikkona landsins selur slotið Lil Nas X ákærður fyrir brot á alríkislögum Ljúffengir hafraklattar með kaffinu Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Sjá meira
Sigrun Asmundsson, forseti Íslendingadagsins, tók við búningnum fyrir hönd Vestur-Íslendinganna en athöfnina voru einnig viðstaddar Jenny Hill, sendiherra Kanada á Íslandi, og Eliza Reid, fyrrum forsetafrú. Saumuðu búninginn í vetur Athöfnin fór fram seinni partinn í gær í fallegri lítilli kirkju á Minna-Knarranesi á Vatnsleysuströnd. Hópurinn sem afhenti búninginn telur nítján konur og þrjá karla sem unnu að því í sameiningu í vetur að sauma búninginn á fjallkonuna þar ytra en þar er hefð fyrir því, líkt og víða um landið, að fjallkonan komi fram í svokölluðum kyrtli en ekki skautbúningi, eins og hefð er fyrir í Reykjavík. Kyrtillinn er kvenbúningur sem var líkt og skautbúningurinn hannaður af Sigurði málara Guðmundssyni á árunum 1858 til 1870. Guðrún Hildur Rosenkjær stendur að þjóðbúningafyrirtækinu Annríki og á hennar vinstri hönd er Almar Grímsson.Aðsend Þessi tiltekni kyrtill er hvítur með ísaumuðu mynstri hönnuðu af Sigurði málara og var mynstrið sérvalið af konum á Nýja-Íslandi, að sögn Guðlaugar Sigurðardóttur sem er ein þeirra sem tók þátt í að skapa búninginn. Hún segir hugmyndina hafa sprottið upp þegar hópurinn heimsótti Gimli og Nýja-Ísland árið 2023 og tók þátt í hátíðarhöldunum á Íslendingadaginn. „Það er ótrúlegt að upplifa hvað fólk er enn þá tengt Íslandi eftir allan þennan tíma. Fólk talar íslensku og við fundum fyrir miklu þakklæti fyrir það að við fórum út og kynntum íslenska þjóðbúninginn. Þannig varð þessi hugmynd til að sýna í verki að okkur þyki vænt um þessi tengsl líka,“ segir Guðlaug. Kanadíska fjallkonan eldri en sú íslenska Hún segir fjallkonuna raunar eiga sér lengri hefð í Kanada en á Íslandi. Fjallkonan hafi komið fyrst fram á Íslendingadeginum árið 1924 fyrir rétt rúmum hundrað árum síðan og löngu áður en sautjándi júní var fyrst haldinn hátíðlegur hér á landi, enda var Ísland þá enn í konungssambandi við Danmörku. Á athöfninni voru ræðuhöld og tónlist og svo var búningurinn formlega afhentur. Sigrun Asmundsson ávarpaði hópinn og það gerðu Jenny Hill sendifrú og Almar Grímsson einnig. Almar er mikill Ný-Íslandsvinur og hefur farið í margar ferðir vestur um höf og hefur ramma taug til nýlendunnar. Í kirkjunni voru ekki bara eintómar tölur heldur lék Jakob Frímann Magnússon einnig á orgel og Margrét Bóasdóttir kórstjóri stýrði söng. Jenny Hill er sendiherra Kanada á Íslandi.Aðsend Guðlaug segir hópinn hafa valið þessa dagsetningu, nítjánda júní, sérstaklega vegna þess að í gær voru 110 ár frá því að íslenskar konur og eignalausir menn fengu kosningarétt og jafnframt 110 ár frá því að við fengum þann fána sem við eigum í dag. Því sé dagurin heilagur dagur bæði kvenna og þjóðlegra hefða. Önnur athöfn verður svo haldin í Gimli á meðan Íslendingahátíðin fer fram helgina 1. til 4. ágúst næstkomandi. Þá fylgir hluti hópsins búningnum og tekur þátt í hátíðarhöldunum. Það vill svo skemmtilega til að Gunnvör Daníelsdóttir-Asmundsson er fjallkonan í ár en hún er móðir Sigrunar Asmundsson forseta hátíðarinnar. Samkoman var líklega sú best klædda sem haldin hefur verið hér á landi í langan tíma.Aðsend Hjónin Birgir Þórarinsson og Anna Rut Sverrisdóttir eiga bæinn að Minna-Knarranesi. Jakob Frímann lék á orgel á athöfninni.Aðsend Hér er sú mýta afsönnuð að maður geti ekki verið snar í snúningum með víravirki og fald.Aðsend
Íslendingar erlendis Kanada Tíska og hönnun Mest lesið Berbrjósta og bleikhærðar með byltingu Lífið Skiptir stærðin raunverulega máli? Lífið Fullkominn brúðkaupsdagur í sænskum kastala Lífið Einbýlishús með möguleika á makaskiptum Lífið „Blessaður, þú ert með heilaæxli“ Lífið Frumsýning á Vísi: Stikla fyrir aðra seríu af Bannað að hlæja Lífið Stórstjörnur í mögulegum ástarþríhyrningi Lífið Segir Gleðigönguna ekki vera fyrir sig en styður baráttuna Lífið Sagan þegar Villi Vill ákvað að lagið Söknuður yrði í eigin jarðarför Lífið Taumlaus gleði og stjörnum prýddir tónleikar Lífið Fleiri fréttir Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Ein glæsilegasta leikkona landsins selur slotið Lil Nas X ákærður fyrir brot á alríkislögum Ljúffengir hafraklattar með kaffinu Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Sjá meira