Há­hyrning rak á land í Grafar­vogi

Þegar fréttamaður fór á vettvang var hvalurinn enn á lífi og búið var að breiða yfir hann hvítum plastdúk. Fjarað hefur út eftir að háhyrningurinn rak á land. 

Fréttastofa RÚV hefur eftir varðstjóra hjá slökkviliði höfuðborgarsvæðisins að reynt verði að halda honum blautum í nótt. Lifi hann nóttina af verði hann dreginn úr fjörunni þegar fer að flæða að á nýjan leik í fyrramálið.

Í myndbandinu hér að neðan má sjá hvalinn hreyfa annan uggann, sem er til marks um að hann lifir enn. Myndbandið er ekki fyrir viðkvæma dýravini.