Út­skrifaður sam­dægurs eftir hnífaárás á Húsa­vík

Þetta staðfestir Skarphéðinn Aðalsteinsson, aðstoðaryfirlögregluþjónn á Norðurlandi eystra, í samtali við fréttastofu.

Kona sem er grunuð um árásina var látin laus að skýrslutöku lokinni. Ekki var talin ástæða til að fara fram á að hún færi í gæsluvarðhald. Maðurinn hefur einnig gefið skýrslu vegna málsins.

Að sögn Skarphéðins er málið enn til rannsóknar.

Greint var frá því í síðustu viku að skömmu fyrir að klukkan sló þrjú umrædda nótt hafi lögreglu borist tilkynning um heimilisofbeldi í heimahúsi á Húsavík, og að hnífi hafi verið beitt. Þegar lögregla og sjúkralið komu á vettvang kom í ljós að tveir einstaklingar á vettvangi hafi verið með áverka. Það munu hafa verið maðurinn og konan.

Annar þessara einstaklinga hafi verið með talsverða áverka, líklega eftir eggvopn, og því fluttur Heilbrigðisstofnun Norðurlands á Húsavík til aðhlynningar.