Sport

Dag­skráin í dag: Titill í boði fyrir Liverpool og Newcastle

Hjörtur Leó Guðjónsson skrifar
Liverpool og Newcastle mætast á Wembley í úrslitum enska deildarbikarsins í dag.
Liverpool og Newcastle mætast á Wembley í úrslitum enska deildarbikarsins í dag. Ben Whitley/PA Images via Getty Images

Sportrásir Stöðvar 2 og Vodafone bjóða upp á átta beinar útsendingar á þessum fína sunnudegi. Þar ber hæst að nefna úrslitaleik enska deildarbikarsins þar sem Liverpool og Newcastle eigast við.

Við hefjum þó leik í Meistaradeild æskunnar í hestaíþróttum. Bein útsending frá keppni í tölti hefst klukkan 12:00 á Stöð 2 Eiðfaxi.

Þá eigast Celtic og Rangers við í stærsta leik hvers árs í skosku úrvalsdeildinni í knattspyrnu á Vodafone Sport klukkan 12:25.

Klukkan 16:00 er svo komið að upphitun fyrir úrslitaleik enska deildarbikarsins á Vodafone Sport áður en bein útsending frá leiknum sjálfum hefst klukkan 16:25. Að leik loknum verður honum gerð góð skil, einmitt á Vodafone Sport.

Óhætt er að segja að nóg verði um að vera á Vodafone Sport því klukkan 19:00 er komið að Pennzoil 400 í Nascar áður en Islanders og Panthers eigast við í NHL-deildinni í íshokkí klukkan 23:35.

Þá mætast Los Angeles Lakers og Phoenix Suns í NBA-deildinni í körfubolta klukkan 19:30 á Stöð 2 Sport 2.

Dagskráin í dag

Mest lesið


Fleiri fréttir

Sjá meira


×

Mest lesið