Innlent

Hraða­hindranir lagaðar fyrir tvö hundruð milljónir

Kolbeinn Tumi Daðason skrifar
Hraðahindrun við Sogaveg í Reykjavík. Hún er ekki meðal þeirra sem til stendur að endurgera.
Hraðahindrun við Sogaveg í Reykjavík. Hún er ekki meðal þeirra sem til stendur að endurgera. vísir/Vilhelm

Borgarráð Reykjavíkur hefur gefið grænt ljós á umfangsmikla endurgerð hraðahindrana í borginni á árinu 2025. Verkefnið verður boðið út í tveimur áföngum og er stefnt að því að framkvæmdir hefjist í maí og ljúki í september.

Verkefnið nær til fjölmargra hverfa, þar á meðal Laugardals, Háaleitis- og Bústaðahverfis, Grafarvogs og Breiðholts. Framkvæmdir fela í sér jarðvinnu, malbikun, uppsetningu umferðarmerkja og yfirborðsmerkinga, auk lagningar granítkantsteina og upprampa. Áætlaður heildarkostnaður er um 200 milljónir króna.

Í tilkynningu frá borginni kemur fram að markmiðið sé að bæta öryggi og aðgengi vegfarenda. Lokanir gatna verða í samráði við Strætó og aðra hagaðila til að lágmarka truflun á umferð.

Endurgerðin nær til eftirtalinna staða:

  • Við Álfheima í Laugardal
  • Við Skeiðarvog í Laugardal
  • Við Listabraut í Háaleitis- og Bústaðahverfi
  • Við Langarima í Grafarvogi
  • Í Norðurfelli við Fannarfell
  • Í Norðurfelli við Eddufell
  • Í Suðurhólum
  • Í Austurbergi við Suðurhóla
  • Í Vesturhólum við Arahóla

Framkvæmdirnar eru sagðar hluti af öryggisverkefni borgarinnar sem miði að því að gera borgina örugga og aðgengilega fyrir alla vegfarendur.

Samgöngur Reykjavík

Mest lesið


Fleiri fréttir

Sjá meira


×

Mest lesið