Sport

Snæ­fríður hóf HM á Ís­lands­meti

Sindri Sverrisson skrifar
Snæfríður Sól Jórunnardóttir byrjar vel á HM.
Snæfríður Sól Jórunnardóttir byrjar vel á HM. Sundsamband Íslands

Ólympíufarinn Snæfríður Sól Jórunnardóttir synti sig af öryggi inn í undanúrslit í 100 metra skriðsundi á heimsmeistaramótinu í 25 metra laug, í Búdapest í morgun.

Snæfríður hóf mótið á að bæta Íslandsmetið í greininni en hún synti á 52,77 sekúndum. Fyrra metið átti hin 24 ára gamla Snæfríður einnig en það var 53,11 sekúndur, sett í Otopeni í Rúmeníu fyrir ári síðan.

Fyrir keppni í dag átti Snæfríður 18. besta tímann af keppendum í 100 metra skriðsundi en hún náði 11. besta tímanum í undanrásunum í morgun.

Hin bandaríska Gretchen Walsh náði besta tímanum í morgun eða 51,64 sekúndum.

Snæfríður var 26/100 úr sekúndu á eftir keppendunum sem náðu 7. og 8. besta tímanum í morgun, og verður forvitnilegt að sjá hvernig henni reiðir af í undanúrslitunum síðdegis í dag.

Hún stendur enn betur að vígi í 200 metra skriðsundi, seinni grein sinni á mótinu, en Snæfríður er skráð með áttunda besta tímann af keppendum í þeirri grein.

Sund

Tengdar fréttir

Guð­mundur bætti tuttugu og fimm ára gamalt met Arnar

Sundkappinn Guðmundur Leó Rafnsson úr ÍRB gerði sér lítið fyrir og bætti 25 ára gamalt unglingamet Arnar Arnarssonar á fyrsta keppnisdegi HM í tuttugu og fimm metra laug í Búdapest í morgun. 

Mest lesið


Fleiri fréttir

Sjá meira


×

Mest lesið