Innlent

Halla Hrund og Karl Gauti oftast strikuð út í Suður­kjör­dæmi

Vésteinn Örn Pétursson skrifar
Strikað var yfir nafn Höllu Hrundar 192 sinnum en Karl Gauti fékk 146 útstrikanir. Næsti maður á lista fékk rúmlega hundrað færri útstrikanir.
Strikað var yfir nafn Höllu Hrundar 192 sinnum en Karl Gauti fékk 146 útstrikanir. Næsti maður á lista fékk rúmlega hundrað færri útstrikanir. Vísir/Ívar/Vilhelm

Fimm af sex oddvitum flokkanna sem náðu inn á þing í Suðurkjördæmi raða sér í efstu sæti listans yfir þá frambjóðendur sem oftast var strikað yfir í kosningum til alþingis. Oddviti flokksins sem er stærstur í kjördæminu er ekki þeirra á meðal.

Halla Hrund Logadóttir, nýkjörinn þingmaður Framsóknarflokksins í Suðurkjördæmi, var oftast strikuð út af lista af kjósendum flokksins í nýafstöðnum kosningum, 192 sinnum, samkvæmt gögnum frá yfirkjörstjórn í kjördæminu. Karl Gauti Hjaltason oddviti Miðflokksins var næstur, með 146 útstrikanir.

Oddvitar á oddvita ofan

Þau tvö bera af þegar kemur að fjölda útstrikana, en næsti maður á eftir Karli Gauta er Guðbrandur Einarsson, oddviti Viðreisnar í kjördæminu, sem var strikaður út 45 sinnum af kjósendum flokks síns. Þar á eftir kemur annar oddviti, Víðir Reynisson í Samfylkingunni, með 27 strik yfir nafn sitt á kjörseðlinum. 

Fast á hæla honum fylgir Guðrún Hafsteinsdóttir, oddviti Sjálfstæðisflokksins og dómsmálaráðherra, en strikað var yfir nafn hennar af 25 kjósendum flokksins. 

Ásthildur Lóa sker sig úr  

Þarna sleppir þó þema toppsætanna, þar sem sjötti og síðasti oddvitinn í kjördæminu sem náði inn á þing raðar sér ekki við hlið hinna. Það er Ásthildur Lóa Þórsdóttir, oddviti Flokks fólksins og fyrsti þingmaður Suðurkjördæmis, en hún var strikuð út 15 sinnum, einu sinni sjaldnar en Sigurður Ingi Jóhannsson, formaður Framsóknarflokksins.

Ásthildur Lóa Þórsdóttir, Flokki fólksins, er fyrsti þingmaður Suðurkjördæmis eftir kosningaúrslit helgarinnar. Hún var strikuð út 15 sinnum, sem getur ekki talist mjög mikið.Vísir/Vilhelm

Hér að neðan má sjá útstrikanir efstu frambjóðenda þeirra flokka sem náðu inn á þing í Suðurkjördæmi.

Framsóknarflokkurinn:

Halla Hrund Logadóttir - 192

Sigurður Ingi Jóhannsson - 18

Jóhann Friðrik Friðriksson - 16

Fida Abu Libdeh - 8

Viðreisn:

Guðbrandur Einarsson - 45

Sandra Sigurðardóttir - 13

Mathias Bragi Ölvisson - 2

Sjálfstæðisflokkurinn:

Guðrún Hafsteinsdóttir - 25

Vilhjálmur Árnason - 3

Ingveldur Anna Sigurðardóttir - 19

Gísli Stefánsson - 21

Flokkur fólksins:

Ásthildur Lóa Þórsdóttir - 15

Sigurður Helgi Pálmason - 2

Elín Íris Fanndal Jónasdóttir - 3

Jónas Yngvi Ásgrímsson - 2

Miðflokkurinn:

Karl Gauti Hjaltason - 146

Heiðbrá Ólafsdóttir - 5

Ólafur Ísleifsson - 21

Samfylkingin:

Víðir Reynisson - 27

Ása Berglind Hjálmarsdóttir - 13

Sverrir Bergmann Magnússon - 11

Arna Ír Gunnarsdóttir - 15

Alþingiskosningar 2024 Suðurkjördæmi Framsóknarflokkurinn Viðreisn Sjálfstæðisflokkurinn Flokkur fólksins Miðflokkurinn Samfylkingin

Tengdar fréttir

Þessi voru oftast strikuð út í Reykjavík

Þó nokkrir frambjóðendur til Alþingis í Reykjavíkurkjördæmunum tveimur voru strikaðir út af lista oftar en hundrað sinnum. Guðlaugur Þór Þórðarson var sá oddviti sem oftast var strikaður út, en Jón Gnarr fékk flestar útstrikanir í Reykjavíkurkjördæmi suður.

Mest lesið


Fleiri fréttir

Sjá meira


×

Mest lesið