Annarri á­kærunni form­lega vísað frá

Jack Smith, sérstakur saksóknari í málinu, fór fram á það við dómara í dag að ákæru á hendur Trump yrði vísað frá. Er það vegna þeirrar túlkunar dómsmálaráðuneytis Bandaríkjanna að ákæra og saksókn á hendur sitjandi Bandaríkjaforseta stangist á við stjórnarskrá landsins. Smith óskaði einnig eftir því að ákæru á hendur Trump vegna meintrar vanrækslu á háleynilegum gögnum yrði vísað frá.

Nú hefur dómarinn Tanya Chutkan vísað fyrrnefndu ákærunni frá, án þess þó að taka afstöðu til hennar, líkt og Smith óskaði eftir. Það þýðir að hægt verður að taka málið upp á nýjan leik og ákæra Trump þegar forsetatíð hans lýkur, 20. janúar 2029.