Íslenski boltinn

Komu KR upp um deild og stýra liðinu á­fram

Runólfur Trausti Þórhallsson skrifar
Páll Kristjánsson, Gunnar Einarsson og Ívar Ingimarsson við undirskriftina.
Páll Kristjánsson, Gunnar Einarsson og Ívar Ingimarsson við undirskriftina. KR

Knattspyrnufélag Reykjavíkur staðfesti í dag að Gunnar Einarsson og Ívar Ingimarsson yrðu áfram þjálfarar kvennaliðs félagsins sem leikur í Lengjudeild kvenna á næsta ári. Þeir félagar stýrðu liðinu upp úr 2. deildinni í ár og fá nú tækifæri til að gera gott betur.

KR nýti tækifærið og greindi frá því að Gunnar muni jafnframt vera yfirþjálfari yngri flokka kvenna hjá KR. Þá mun Ívar sjá um afreksþjálfun hjá félaginu.

Um er að ræða tvo fyrrverandi leikmenn með gríðarlega þekkingu en Gunnar lék um tíma með KR og þá hefur hann þjálfað þar undanfarin ár. Ívar er svo fyrrverandi landsliðs- og atvinnumaður.

„Það er ljóst að leikmenn okkar eru í góðum höndum og bindum við miklar vonir við áframhaldandi samstarf,“ sagði Páll Kristjánsson, formaður knattspyrnudeildar KR, í tilkynningu félagsins.

Fótbolti Íslenski boltinn Lengjubikar kvenna KR

Mest lesið


Fleiri fréttir

Sjá meira


×

Mest lesið