„Óli kallar allt í einu á mig að fara fram og ég geri bara eins og Óli segir“

„Óli [Ólafur Kristjánsson, þjálfari Þróttar] kallar allt í einu á mig að fara fram og ég geri bara eins og Óli segir. Skelli mér fram og sé opnun á kantinum, kalla á hann í gegn og síðan var það eina sem ég hugsaði bara að skora,“ bætti Sóley við skælbrosandi.

Það sem hún hugsaði raungerðist, boltinn small í stöngina og inn.

„Alveg eins og ég ætlaði,“ sagði Sóley þá.

Hún hefur ekki getið sér orðs sem mikill markaskorari en Þróttur þurfti nauðsynlega á sigri að halda í dag og þá voru miklar áhættur teknar undir lokin.

„Stundum þarf bara að gera það og það virkaði í dag.“

Sigurinn setur Þrótt í efri hluta deildarinnar nú þegar tvískipting á sér stað og Stjarnan er skilin eftir í neðri hlutanum. Engar líkur eru á titli en Sóley sagði liðið ætla að safna stigum og klífa eins ofarlega upp töfluna og mögulegt er.

Framundan eru leikir gegn Breiðabliki, Val, Þór/KA, Víkingi og FH en úrslitakeppnin hefst næsta föstudag.