Hið töfrandi Taíland kallar

Framandi ljómi hefur ávallt umlukið Taíland og einstaka menningu landsins. Náttúran er ævintýraleg, skógi vaxið fjallendi þar sem nashyrningar og tígrisdýr ráða ríkjum, hvítar sandstrendur og kalksteinsklettar og túrkísblár sjór. Taílenska þjóðin er fræg fyrir gestrisni og þá er taílensk matarmenning engu lík.

Í ferðunum eru strandbærinn Hua Hin við Taílandsflóa heimsóttur og höfuðborgin Bangkok. Fararstjóri Heimsferða í Taílandi er Ingi Bærings en hann er heimamaður í Taílandi, lífskúnstner sem sem starfað hefur við ráðgjöf og kennslu bæði á Íslandi og erlendis. 

Ingi býr í fjallendi nyrst við Chiang Maí í Taílandi og sýslar þar við húsbyggingar og skógarhögg og þekkir mannlíf og matarmenningu þjóðarinnar út og inn. Ingi býður gestum einstaka og nána upplifun á framandi leyndardómum þessa lands, ásamt eiginkonu sinni, Frú Píu.

Innifalið í ferðinni

Flogið er með Icelandair og Emirates eða Qatar Airways og eru allir skattar og gjöld innifalin auk farangurs og er farangurinn innritaður alla leið við brottförina frá Íslandi. Þegar út er komið er allur akstur á milli flugvalla og gististaða innifalinn og fylgir morgunverður með allri gistingu. Farið verður í kynningarferðir um Hua Hin og Bangkok við komuna á staðina undir fararstjórn Inga Bærings.

Hér fyrir neðan má fletta í gegnum fleiri myndir frá Taílandi.

Ferðirnar eru farnar í nóvember og fram yfir páska. Hægt er að panta hér.

Ævintýraeyjan Balí bíður eftir okkur

Balí er ein af töfrandi eyjum Indónesíu og ævintýraleg heim að sækja. Hvítar strendur, tær sjór og spennandi mannlíf einkennir Balí og loftslagið er milt og þægilegt. Balí er stærsta ferðamannaparadís Indónesíu og þar er fjölbreytt afþreying, heillandi smáþorp sem gaman er að heimsækja, hof og fjöldi veitingastaða og kósý kaffihúsa.

Adolf Jónsson er fararstjóri Heimsferða á Balí. Adolf hefur víðtæka reynslu af fararstjórn um víða veröld og hefur síðastliðin ár verið búsettur í Mexíkó og leitt fjölda ferða um Yucatánskaga, Playa del Carmen og Cancun auk annara landa í Mið- og Suður Ameríku.

Adolf ferðaðist víða um Kína meðan hann dvaldi við nám í Shanghai og nýtti allar frístundir til að bæta við sig þekkingu á álfunni. Adolf heldur nú heimili á Spáni en hann hefur einnig leitt farþega um öngstræti gotneska hverfisins í Barselóna og annara ævintýralegra enda Spánar en það er þó syðsti hluti Spánar sem heillar hann mest, Andalúsía og slóðir máranna yfir Gíbraltasundið og til Marokkó þar sem hann ferðaðist lengi með sinn bakpoka og leyfði sér að villast um byggðir Berba í Atlasfjöllunum, á slóðum Jimi Hendrix í Essaouira og um fáfarin þorp í syðsta hluta Marokkó. Adolf er öllum hnútum kunnugur á Balí og eru farþegar því sannarlega í góðum höndum.

Hér fyrir neðan má fletta í gegnum fleiri skemmtilegar myndir frá Balí.

Innifalið í ferðinni

Flogið með Icelandair og Emirates eða Qatar Airways og er fyrsta flokks þjónusta alla leið. Stutt stopp er í millilendingum og er farangurinn innritaður alla leið við brottförina frá Íslandi. Akstur til og frá flugvelli á Balí er innifalinn og er boðið upp á fjölbreytta afþreyingu í ferðinni undir íslenskri fararstjórn Adolfs.Ferðirnar eru farnar í október og fram yfir páska. Hægt er að panta hér.