„Þetta er á­rás á lýð­ræðið í landinu”

Líkt og kunnugt er var gerð alvarleg netárás á Árvakur, útgáfufélag Morgunblaðsins og mbl.is í gær. Rússneskir hakkarar eru sagðir standa að baki árásinni og hafa tekið gögn félagsins í gíslingu.

„Þetta er árás á lýðræðið í landinu og frjáls skoðanaskipti. Uppruni árásarinnar er tengdur við rússnesk glæpasamtök. Tilgangur þessarar atlögu er að vekja ótta og þagga niður í fjölmiðlum, því var afar ánægjulegt að fá Morgunblaðið inn um lúguna þennan morgun. Við verðum að vera vakandi gagnvart þessari ógn og ætíð standa með lýðræðinu,” skrifar Lilja meðal annars í færslu sinni.