Tignar­leg miðbæjaríbúð Helgu Ólafs til sölu

Um er að ræða vel skipulagða íbúð í reisulegu þríbýli á horni Barónstígs og Njálsgötu. Íbúðin var mikið endurnýjuð árið 2021 og er útkoman afar glæsileg. 

Stofa, borðstofa og eldhús eru í samliggjandi og rúmgóðu rými sem einkennist af miklum sjarma. Gluggar í frönskum stíl, bogadregnir veggir og mínímalískur stíll einkenna eignina.

Í eldhúsi má sjá ljósfjólubláan lit á veggjum sem kemur einstaklega vel út við hvíta eldhúsinnréttingu og viðarborðplötu. 

Hjónaherbergi var gert úr hluta af stofu, það er rúmgott og bjart og með aðgengi út á svalir til suðurs. Auk þess eru eitt barnaherbergi og eitt baðherbergi.

Helga, sem hefur oft verið kennd við barnafatamerkið Igló og Indí, tók við starfi stjórnanda Hönnunarmars í desember árið 2022. Hún er með BA gráðu í fatahönnun og vöruþróun frá Hellerup Textile College í Kaupmannahöfn og fatahönnun frá Kent Institute of Art and Design á Englandi.

Nánári upplýsingar á fasteignavef Vísis.