Nauðugur sá kostur að fresta atkvæðagreiðslunni Jón Þór Stefánsson skrifar 18. maí 2024 09:23 Gestur Þór Kristjánsson, forseti bæjarstjórnar Ölfuss, skrifar aðsenda grein ásamt öðrum bæjarfulltrúum D-listans. Vísir/Einar Bæjarfulltrúum Sjálfstæðisflokksins, sem eru í meirihluta í Ölfusi, finnst leiðinlegt að fresta fyrirhugaðri atkvæðagreiðslu íbúa um deiluskipulag fyrir mölunarverksmiðju sem átti að hefjast í dag. Hins vegar sé ekkert annað í stöðunni. Bréf Eggerts Þórs Kristóferssonar,forstjóra landeldisfyrirtækisins First Water, til bæjarstjórnarinnar er miðlægt í málinu, en þar lýsti hann áhyggjum sínum af því að starfsemi mölunarverksmiðju færi ekki saman við matvælaframleiðslu. Í aðsendri grein sem meirihlutinn í bæjarstjórninni birti á Vísi í dag segir að vinnubrögð First Water veki furðu, en að bréfið fylli málið engu að síður af vafa og óvissu. Það eru þau Gestur Þór Kristjánsson, Erla Sif Markúsdóttir, Sigurbjörg Jenný Jónsdóttir, Grétar Ingi Erlendsson sem skrifa greinina, en í henni er ákvörðunin um að fresta atkvæðagreiðslunni útskýrð. „Við hljótum að lýsa furðu okkar á vinnubrögðum fyrirtækisins First Water í því sem lýtur að skipulagsmálum í sveitarfélaginu,“ segir í greininni. „Fram hefur farið ítarlegur undirbúningur vegna málsins sem í öllu hefur stjórnast af þeim lögum, reglum og hefðum sem gilda skulu um slíkt. Það vandaða ferli skilaði mörgum athugasemdum sem sérstaklega hefur verið brugðist við og svarað. First Water sá sér ekki fært að fylgja vönduðum formlegum verkferlum til að koma rökstuddum ábendingum á framfæri, heldur beið þar til öllu formlegu ferli var lokið með að viðra skoðanir sínar. Tveimur klukkutímum fyrir opinn borgarafund og þremur dögum áður en atkvæðagreiðsla hæfist var lögð fram þriggja málsgreina bréf þar sem fullyrt var um skaðsemi af starfsemi Heidelberg fyrir First Water. Fullyrðingarnar voru með öllu órökstuddar og án nokkurra gagna.“ Þar er einnig bent á að önnur landeldisfyrirtæki á svæðinu, Geo Salmo og Landeldisstöðin Þór, séu ekki mótfallin fyrirhugaðri starfsemi Heidelberg þrátt fyrir að hún eigi að vera talsvert nær þeirra starfsemi. „Bæjarstjórn Ölfuss telur að bréf forstjóra First Water fylli málið allt vafa og óvissu sem ekki verður við unað. Þrátt fyrir ámælisverð vinnubrögð verður ekki hjá því litið að First Water er einn stærsti hagsmunaðilinn í þessu máli,“ segir í grein meirihlutans, en þar er jafnframt bent á að fyrirtækið búi yfir mikilli sérfræðiþekkingu á svæðinu og hafi unnið fjölmargar rannsóknir á náttúrufari þess. Sveitafélagið búi hins vegar ekki yfir þessum gögnum. Þá minnist meirihlutinn á hina svokölluðu rannsóknarreglu, að stjórnvald skuli sjá til þess að mál séu nægjanlega upplýst áður en ákvörðun sé tekin. „Hjá þessu verður ekki vikið, hvað sem persónulegar skoðanir einstakra bæjarfulltrúa varðar.“ Greinarhöfundarnir segja stöðuna sem upp sé komin ömurlega, en að ákvörðun um að fresta atkvæðagreiðslunni hafi verið tekin með hagsmuni bæjarbúa að leiðarljósi. „Um leið og við hörmum þá stöðu sem upp er komin í aðdraganda íbúakosninga vegna vinnubragða First Water teljum við mikilvægt að nálgast málið af ábyrgð með heildarhagsmuni bæjarbúa að leiðarljósi. Sérstaklega er áríðandi að upplýst verði með fullnægjandi og rökstuddum hætti á hvaða rökum fullyrðingar First Water byggja.“ Ekkert annað hafi verið í stöðunni en að fresta atkvæðagreiðslunni. Meirihlutinn segir að þeim hafi verið „nauðugur sá kostur“. Fram kemur í greininni að Elliða Vignissyni bæjarstjóra hafi verið falið að koma á fundi með fulltrúum First Water þar sem ætlast verði til þess að fyrirtækið styðji fullyrðingar sínar. Með það fyrir augum var okkur nauðugur sá kostur að fresta atkvæðagreiðslu þeirri sem „Þá verði kallað eftir því að First Water skili inn ítarlegri greinargerð sem útlistar öll þau atriði er tengjast væntri starfsemi Heidelberg sem valdið geta vandvæðum við starfsemi First Water. Þegar slíkt liggi fyrir verði óháðum aðila falið að fara yfir forsendur og skila Sveitarfélaginu Ölfusi mati þar á. Þetta mat ásamt öðrum þeim gögnum sem kunna að berst verði svo kynnt vandlega fyrir bæjarbúum áður en boðað verði til íbúakosninga að nýju.“ Ölfus Stjórnsýsla Námuvinnsla Deilur um iðnað í Ölfusi Mest lesið Tilkynnt um mann vopnaðan skotvopni og einn handtekinn Innlent Börnum haldið innilokuðum í „hryllingshúsi“ í fleiri ár Erlent Birgir Guðjónsson er látinn Innlent Mun sjá eftir árásinni alla ævi Innlent Yfirgefa Svíþjóð til að hraða þróun rafmagnsflugvélar Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent „Ég skipaði þá aðila sem ég taldi hæfasta“ Innlent Var svo „þreyttur á öllu“ að hann ákvað að aka inn í þvögu barna Erlent Skrifa nú undir samninginn sem féll af borðinu eftir hitafundinn Erlent Fleiri fréttir Kalla saman ráðherranefnd svo rafmagnsleysi endurtaki sig ekki hér Birgir Guðjónsson er látinn Niðurstöðu um styrkjamálið megi vænta með vorinu „Þetta er mikill merkisdagur fyrir okkur“ Handtóku vopnaðan mann og kröfugöngur verkalýðsins „Ég skipaði þá aðila sem ég taldi hæfasta“ Hátíðardagskrá um allt land á verkalýðsdaginn Tilkynnt um mann vopnaðan skotvopni og einn handtekinn Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Sjá meira
Bréf Eggerts Þórs Kristóferssonar,forstjóra landeldisfyrirtækisins First Water, til bæjarstjórnarinnar er miðlægt í málinu, en þar lýsti hann áhyggjum sínum af því að starfsemi mölunarverksmiðju færi ekki saman við matvælaframleiðslu. Í aðsendri grein sem meirihlutinn í bæjarstjórninni birti á Vísi í dag segir að vinnubrögð First Water veki furðu, en að bréfið fylli málið engu að síður af vafa og óvissu. Það eru þau Gestur Þór Kristjánsson, Erla Sif Markúsdóttir, Sigurbjörg Jenný Jónsdóttir, Grétar Ingi Erlendsson sem skrifa greinina, en í henni er ákvörðunin um að fresta atkvæðagreiðslunni útskýrð. „Við hljótum að lýsa furðu okkar á vinnubrögðum fyrirtækisins First Water í því sem lýtur að skipulagsmálum í sveitarfélaginu,“ segir í greininni. „Fram hefur farið ítarlegur undirbúningur vegna málsins sem í öllu hefur stjórnast af þeim lögum, reglum og hefðum sem gilda skulu um slíkt. Það vandaða ferli skilaði mörgum athugasemdum sem sérstaklega hefur verið brugðist við og svarað. First Water sá sér ekki fært að fylgja vönduðum formlegum verkferlum til að koma rökstuddum ábendingum á framfæri, heldur beið þar til öllu formlegu ferli var lokið með að viðra skoðanir sínar. Tveimur klukkutímum fyrir opinn borgarafund og þremur dögum áður en atkvæðagreiðsla hæfist var lögð fram þriggja málsgreina bréf þar sem fullyrt var um skaðsemi af starfsemi Heidelberg fyrir First Water. Fullyrðingarnar voru með öllu órökstuddar og án nokkurra gagna.“ Þar er einnig bent á að önnur landeldisfyrirtæki á svæðinu, Geo Salmo og Landeldisstöðin Þór, séu ekki mótfallin fyrirhugaðri starfsemi Heidelberg þrátt fyrir að hún eigi að vera talsvert nær þeirra starfsemi. „Bæjarstjórn Ölfuss telur að bréf forstjóra First Water fylli málið allt vafa og óvissu sem ekki verður við unað. Þrátt fyrir ámælisverð vinnubrögð verður ekki hjá því litið að First Water er einn stærsti hagsmunaðilinn í þessu máli,“ segir í grein meirihlutans, en þar er jafnframt bent á að fyrirtækið búi yfir mikilli sérfræðiþekkingu á svæðinu og hafi unnið fjölmargar rannsóknir á náttúrufari þess. Sveitafélagið búi hins vegar ekki yfir þessum gögnum. Þá minnist meirihlutinn á hina svokölluðu rannsóknarreglu, að stjórnvald skuli sjá til þess að mál séu nægjanlega upplýst áður en ákvörðun sé tekin. „Hjá þessu verður ekki vikið, hvað sem persónulegar skoðanir einstakra bæjarfulltrúa varðar.“ Greinarhöfundarnir segja stöðuna sem upp sé komin ömurlega, en að ákvörðun um að fresta atkvæðagreiðslunni hafi verið tekin með hagsmuni bæjarbúa að leiðarljósi. „Um leið og við hörmum þá stöðu sem upp er komin í aðdraganda íbúakosninga vegna vinnubragða First Water teljum við mikilvægt að nálgast málið af ábyrgð með heildarhagsmuni bæjarbúa að leiðarljósi. Sérstaklega er áríðandi að upplýst verði með fullnægjandi og rökstuddum hætti á hvaða rökum fullyrðingar First Water byggja.“ Ekkert annað hafi verið í stöðunni en að fresta atkvæðagreiðslunni. Meirihlutinn segir að þeim hafi verið „nauðugur sá kostur“. Fram kemur í greininni að Elliða Vignissyni bæjarstjóra hafi verið falið að koma á fundi með fulltrúum First Water þar sem ætlast verði til þess að fyrirtækið styðji fullyrðingar sínar. Með það fyrir augum var okkur nauðugur sá kostur að fresta atkvæðagreiðslu þeirri sem „Þá verði kallað eftir því að First Water skili inn ítarlegri greinargerð sem útlistar öll þau atriði er tengjast væntri starfsemi Heidelberg sem valdið geta vandvæðum við starfsemi First Water. Þegar slíkt liggi fyrir verði óháðum aðila falið að fara yfir forsendur og skila Sveitarfélaginu Ölfusi mati þar á. Þetta mat ásamt öðrum þeim gögnum sem kunna að berst verði svo kynnt vandlega fyrir bæjarbúum áður en boðað verði til íbúakosninga að nýju.“
Ölfus Stjórnsýsla Námuvinnsla Deilur um iðnað í Ölfusi Mest lesið Tilkynnt um mann vopnaðan skotvopni og einn handtekinn Innlent Börnum haldið innilokuðum í „hryllingshúsi“ í fleiri ár Erlent Birgir Guðjónsson er látinn Innlent Mun sjá eftir árásinni alla ævi Innlent Yfirgefa Svíþjóð til að hraða þróun rafmagnsflugvélar Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent „Ég skipaði þá aðila sem ég taldi hæfasta“ Innlent Var svo „þreyttur á öllu“ að hann ákvað að aka inn í þvögu barna Erlent Skrifa nú undir samninginn sem féll af borðinu eftir hitafundinn Erlent Fleiri fréttir Kalla saman ráðherranefnd svo rafmagnsleysi endurtaki sig ekki hér Birgir Guðjónsson er látinn Niðurstöðu um styrkjamálið megi vænta með vorinu „Þetta er mikill merkisdagur fyrir okkur“ Handtóku vopnaðan mann og kröfugöngur verkalýðsins „Ég skipaði þá aðila sem ég taldi hæfasta“ Hátíðardagskrá um allt land á verkalýðsdaginn Tilkynnt um mann vopnaðan skotvopni og einn handtekinn Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Sjá meira