Tilkynnti sig tvisvar til barnaverndar til að fá aðstoð fyrir einhverfa dóttur Margrét Helga Erlingsdóttir skrifar 19. apríl 2024 19:30 Hrefna hefur lagt allt í sölurnar til að hjálpa einhverfri níu ára dóttur sinni en hún segir alls staðar koma að lokuðum dyrum í kerfinu. Baráttunni linni ekki fyrr en hjálp berst. Vísir/arnar Móðir níu ára einhverfrar stúlku hefur tvívegis tilkynnt sig til barnaverndar í örvæntingafullri tilraun til að fá aðstoð fyrir dóttur sína. Á tímabili var vanlíðan stúlkunnar slík að hún missti lífsviljann. Eftirtektarsamur leikskólakennari kom fyrst auga á að dóttir Hrefnu Ernu Bachmann Ólafsdóttur gæti verið einhverf en ADHD og einhverfugreining kom ekki fyrr en mörgum árum síðar. Í leikskólanum leið stúlkunni vel og þar hafði hún stuðninginn sem hún þurfti og vel var haldið utan um hana en erfiðleikarnir hófust við upphaf grunnskóla. „Hún var með allt til staðar fyrir sig í leikskólanum en svo var henni sparkað út. Hún var eins og drottning í sínu ríki en þegar hún kom inn í skólakerfið þá var hún bara öskubuska. Þar var ekkert gert fyrir hana. Ekki neitt,“ segir Hrefna. Fyrsti bekkur gekk ágætlega félagslega en fljótlega fóru að koma upp árekstrar milli hennar, samnemenda og kennara því stúlkan hætti að skynja og skilja félagsleg merki. Hrefna segist nær daglega upplifa mikið mótlæti. „Í dag skeði þetta, í dag skeði hitt. Ég fékk aldrei að heyra að hún hefði verið ótrúlega dugleg þann daginn. Það var ekki bara verið að brjóta hana niður heldur líka okkur foreldrana niður með endalausu neikvæðu um barnið mitt.“ Staðan versnaði með hverju ári sem leið. „Á endanum var okkur sagt að það væri ekkert hægt að gera fyrir hana. Hún væri bara búin að brenna allar brýr að baki sér. Níu ára gamalt barn að verða tíu ára.“ Fjölskyldan batt miklar vonir við að staðan myndi skána við að komast á einhverfudeild en á mánudaginn var henni synjað um inngöngu þrátt fyrir að borgin segi í synjunarbréfinu að barnið hafi mikla þörf fyrir einhverfudeild. „Það stendur skýrum stöfum að hún sé með mikla þörf en greinilega ekki nóg til að komast inn, sem var rosalegt högg,“ segir Hrefna. Hún fékk þau svör að um 36 umsóknir hefðu borist um inngöngu í einhverfudeild hjá borginni en aðeins átta pláss voru laus. Stúlkunni líður skelfilega og missti lífsviljann um tíma. „Það er náttúrulega bara ömurlegt fyrir foreldri að heyra frá barninu sínu að hún vilji bara enda líf sitt. Það var ekkert úrræði heldur sem greip okkur þá. Við reyndum allt.“ Hrefna og fjölskylda hafa reynt allt og meðal annars tilkynnt sig tvívegis til barnaverndar til að fá aðstoð. „Okkur var tilkynnt að þeir ætluðu að fara í skólann og skoða hann og mögulega koma heim til okkar og skoða aðstæður þar af því við töluðum um að hún væri rosa skapstór heima því hún bara springur þar eftir allan daginn. Við höfum enn ekkert heyrt. Við erum búin að hringja og hringja og hringja.“ Hrefna sjálf datt út af vinnumarkaði vegna kulnunar í febrúar. Hún komi að lokuðum dyrum alls staðar. Hvað tekur nú við hjá ykkur? „Já, það er ansi góð spurning. Við erum búin að fara á fundi hjá þremur skólum og enginn skóli telur sig hafa verkfæri til að vinna með henni þrátt fyrir að menntamálayfirvöld gefi sig út fyrir að hafa skóla án aðgreiningar og að öll börn eigi að fá menntun – og það er skólaskylda – en þá erum við bara svolítið í lausu lofti.“ Börn og uppeldi Skóla - og menntamál Alþingi Grunnskólar Einhverfa Tengdar fréttir Halda andlitinu í skólanum en hrynja niður heima Skólaforðun einhverfra barna er kerfislægt vandamál í skólum en það liggur ekki hjá fjölskyldum barnanna. Þetta segir verkefnastjóri hjá Einhverfusamtökunum sem bendir á að opin rými líkt og hefðbundnar skólastofur séu „skynrænt helvíti“ fyrir einhverfa og heilsuspillandi fyrir umrædd börn. Örvænting þeirra sem séu föst í þessum aðstæðum sé algjör. 18. apríl 2024 13:31 Segir „ómanneskjulegt“ álag á foreldrum einhverfra barna Einstæð móðir einhverfrar stúlku brann út og þurfti að segja upp vinnunni til þess að geta annast dóttur sína. Hún segir stjórnvöld verða að gera betur fyrir einhverf börn og foreldra þeirra, álagið sé í raun ómanneskjulegt. 17. apríl 2024 19:30 „Það er eins og þú þurfir að skera barnið þitt úr reipinu til að fá aðstoð“ „Fyrir okkur er þetta einfaldlega spurning um líf eða dauða. Við erum vanmáttug, við erum týnd og við erum alltaf í lausu lofti,” segja Adam Snær Atlason og Thelma Rut Hafliðadóttir, foreldrar þrettán ára stúlku sem glímir við flókinn og fjölþættan vanda. Þau hafa staðið í stappi undanfarin tíu ár við að fá viðeigandi úrræði fyrir dóttur sína hjá Akureyrarbæ en segjast koma allstaðar að lokuðum dyrum. 6. apríl 2024 08:37 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Katrín efst en Jón hrynur í nýrri könnun Innlent Kolbeinn Sigþórsson ákærður fyrir brot gegn barnungri stúlku Innlent Forsetavaktin 2024: Hver verður sjöundi forseti lýðveldisins? Innlent „Það er norskur sigur í dag“ Innlent Litaðir seðlar til skoðunar og málið á mjög viðkvæmu stigi Innlent Halla vill skikka ungmenni í samfélagsþjónustu Innlent Íslendingur í gæsluvarðhaldi vegna Hamraborgarmálsins Innlent Úrskurðurinn felldur úr gildi Innlent „Fann það þegar ég vaknaði í morgun að þetta var lúmskt áfall“ Innlent Horfði á þegar vinur hans réðst á manninn sem braut á dóttur hans Innlent Fleiri fréttir Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Afkoma borgarinnar versnar um níu milljarða króna milli ára Samþykktu verkfallsaðgerðir á Keflavíkurflugvelli Útimarkaðurinn í Mosó hættir Atli Þór ráðinn til Pírata: „Við ætlum að koma flokknum í ríkisstjórn“ Biðlistinn á Stígamótum styttist í fyrsta sinn í þrjú ár Ný skoðanakönnun á morgun og Pallborð klukkan 14 Áfram landris og óvissa um framhaldið Tryggja þurfi tímabundin afnot náttúruauðlinda í stjórnarskrá Búinn að skila inn undirskriftum eftir „óvenjulegan“ frest „Það er norskur sigur í dag“ Grindvíkingar opna bakarí og veitingastað á ný Bakarí og veitingastaður opna í Grindavík á ný Friðrik skipaður sendiherra í Póllandi Halla vill skikka ungmenni í samfélagsþjónustu Íslendingur í gæsluvarðhaldi vegna Hamraborgarmálsins Betra að fá óþægilegu málin fram fyrr en seinna Eldur í ruslageymslu í Hafnarfirði Seinni umferð biskupskjörs hefst á hádegi í dag Icelandair flýgur til Færeyja að nýju Stutt í næsta gos komi til gosloka Sjá meira
Eftirtektarsamur leikskólakennari kom fyrst auga á að dóttir Hrefnu Ernu Bachmann Ólafsdóttur gæti verið einhverf en ADHD og einhverfugreining kom ekki fyrr en mörgum árum síðar. Í leikskólanum leið stúlkunni vel og þar hafði hún stuðninginn sem hún þurfti og vel var haldið utan um hana en erfiðleikarnir hófust við upphaf grunnskóla. „Hún var með allt til staðar fyrir sig í leikskólanum en svo var henni sparkað út. Hún var eins og drottning í sínu ríki en þegar hún kom inn í skólakerfið þá var hún bara öskubuska. Þar var ekkert gert fyrir hana. Ekki neitt,“ segir Hrefna. Fyrsti bekkur gekk ágætlega félagslega en fljótlega fóru að koma upp árekstrar milli hennar, samnemenda og kennara því stúlkan hætti að skynja og skilja félagsleg merki. Hrefna segist nær daglega upplifa mikið mótlæti. „Í dag skeði þetta, í dag skeði hitt. Ég fékk aldrei að heyra að hún hefði verið ótrúlega dugleg þann daginn. Það var ekki bara verið að brjóta hana niður heldur líka okkur foreldrana niður með endalausu neikvæðu um barnið mitt.“ Staðan versnaði með hverju ári sem leið. „Á endanum var okkur sagt að það væri ekkert hægt að gera fyrir hana. Hún væri bara búin að brenna allar brýr að baki sér. Níu ára gamalt barn að verða tíu ára.“ Fjölskyldan batt miklar vonir við að staðan myndi skána við að komast á einhverfudeild en á mánudaginn var henni synjað um inngöngu þrátt fyrir að borgin segi í synjunarbréfinu að barnið hafi mikla þörf fyrir einhverfudeild. „Það stendur skýrum stöfum að hún sé með mikla þörf en greinilega ekki nóg til að komast inn, sem var rosalegt högg,“ segir Hrefna. Hún fékk þau svör að um 36 umsóknir hefðu borist um inngöngu í einhverfudeild hjá borginni en aðeins átta pláss voru laus. Stúlkunni líður skelfilega og missti lífsviljann um tíma. „Það er náttúrulega bara ömurlegt fyrir foreldri að heyra frá barninu sínu að hún vilji bara enda líf sitt. Það var ekkert úrræði heldur sem greip okkur þá. Við reyndum allt.“ Hrefna og fjölskylda hafa reynt allt og meðal annars tilkynnt sig tvívegis til barnaverndar til að fá aðstoð. „Okkur var tilkynnt að þeir ætluðu að fara í skólann og skoða hann og mögulega koma heim til okkar og skoða aðstæður þar af því við töluðum um að hún væri rosa skapstór heima því hún bara springur þar eftir allan daginn. Við höfum enn ekkert heyrt. Við erum búin að hringja og hringja og hringja.“ Hrefna sjálf datt út af vinnumarkaði vegna kulnunar í febrúar. Hún komi að lokuðum dyrum alls staðar. Hvað tekur nú við hjá ykkur? „Já, það er ansi góð spurning. Við erum búin að fara á fundi hjá þremur skólum og enginn skóli telur sig hafa verkfæri til að vinna með henni þrátt fyrir að menntamálayfirvöld gefi sig út fyrir að hafa skóla án aðgreiningar og að öll börn eigi að fá menntun – og það er skólaskylda – en þá erum við bara svolítið í lausu lofti.“
Börn og uppeldi Skóla - og menntamál Alþingi Grunnskólar Einhverfa Tengdar fréttir Halda andlitinu í skólanum en hrynja niður heima Skólaforðun einhverfra barna er kerfislægt vandamál í skólum en það liggur ekki hjá fjölskyldum barnanna. Þetta segir verkefnastjóri hjá Einhverfusamtökunum sem bendir á að opin rými líkt og hefðbundnar skólastofur séu „skynrænt helvíti“ fyrir einhverfa og heilsuspillandi fyrir umrædd börn. Örvænting þeirra sem séu föst í þessum aðstæðum sé algjör. 18. apríl 2024 13:31 Segir „ómanneskjulegt“ álag á foreldrum einhverfra barna Einstæð móðir einhverfrar stúlku brann út og þurfti að segja upp vinnunni til þess að geta annast dóttur sína. Hún segir stjórnvöld verða að gera betur fyrir einhverf börn og foreldra þeirra, álagið sé í raun ómanneskjulegt. 17. apríl 2024 19:30 „Það er eins og þú þurfir að skera barnið þitt úr reipinu til að fá aðstoð“ „Fyrir okkur er þetta einfaldlega spurning um líf eða dauða. Við erum vanmáttug, við erum týnd og við erum alltaf í lausu lofti,” segja Adam Snær Atlason og Thelma Rut Hafliðadóttir, foreldrar þrettán ára stúlku sem glímir við flókinn og fjölþættan vanda. Þau hafa staðið í stappi undanfarin tíu ár við að fá viðeigandi úrræði fyrir dóttur sína hjá Akureyrarbæ en segjast koma allstaðar að lokuðum dyrum. 6. apríl 2024 08:37 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Katrín efst en Jón hrynur í nýrri könnun Innlent Kolbeinn Sigþórsson ákærður fyrir brot gegn barnungri stúlku Innlent Forsetavaktin 2024: Hver verður sjöundi forseti lýðveldisins? Innlent „Það er norskur sigur í dag“ Innlent Litaðir seðlar til skoðunar og málið á mjög viðkvæmu stigi Innlent Halla vill skikka ungmenni í samfélagsþjónustu Innlent Íslendingur í gæsluvarðhaldi vegna Hamraborgarmálsins Innlent Úrskurðurinn felldur úr gildi Innlent „Fann það þegar ég vaknaði í morgun að þetta var lúmskt áfall“ Innlent Horfði á þegar vinur hans réðst á manninn sem braut á dóttur hans Innlent Fleiri fréttir Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Afkoma borgarinnar versnar um níu milljarða króna milli ára Samþykktu verkfallsaðgerðir á Keflavíkurflugvelli Útimarkaðurinn í Mosó hættir Atli Þór ráðinn til Pírata: „Við ætlum að koma flokknum í ríkisstjórn“ Biðlistinn á Stígamótum styttist í fyrsta sinn í þrjú ár Ný skoðanakönnun á morgun og Pallborð klukkan 14 Áfram landris og óvissa um framhaldið Tryggja þurfi tímabundin afnot náttúruauðlinda í stjórnarskrá Búinn að skila inn undirskriftum eftir „óvenjulegan“ frest „Það er norskur sigur í dag“ Grindvíkingar opna bakarí og veitingastað á ný Bakarí og veitingastaður opna í Grindavík á ný Friðrik skipaður sendiherra í Póllandi Halla vill skikka ungmenni í samfélagsþjónustu Íslendingur í gæsluvarðhaldi vegna Hamraborgarmálsins Betra að fá óþægilegu málin fram fyrr en seinna Eldur í ruslageymslu í Hafnarfirði Seinni umferð biskupskjörs hefst á hádegi í dag Icelandair flýgur til Færeyja að nýju Stutt í næsta gos komi til gosloka Sjá meira
Halda andlitinu í skólanum en hrynja niður heima Skólaforðun einhverfra barna er kerfislægt vandamál í skólum en það liggur ekki hjá fjölskyldum barnanna. Þetta segir verkefnastjóri hjá Einhverfusamtökunum sem bendir á að opin rými líkt og hefðbundnar skólastofur séu „skynrænt helvíti“ fyrir einhverfa og heilsuspillandi fyrir umrædd börn. Örvænting þeirra sem séu föst í þessum aðstæðum sé algjör. 18. apríl 2024 13:31
Segir „ómanneskjulegt“ álag á foreldrum einhverfra barna Einstæð móðir einhverfrar stúlku brann út og þurfti að segja upp vinnunni til þess að geta annast dóttur sína. Hún segir stjórnvöld verða að gera betur fyrir einhverf börn og foreldra þeirra, álagið sé í raun ómanneskjulegt. 17. apríl 2024 19:30
„Það er eins og þú þurfir að skera barnið þitt úr reipinu til að fá aðstoð“ „Fyrir okkur er þetta einfaldlega spurning um líf eða dauða. Við erum vanmáttug, við erum týnd og við erum alltaf í lausu lofti,” segja Adam Snær Atlason og Thelma Rut Hafliðadóttir, foreldrar þrettán ára stúlku sem glímir við flókinn og fjölþættan vanda. Þau hafa staðið í stappi undanfarin tíu ár við að fá viðeigandi úrræði fyrir dóttur sína hjá Akureyrarbæ en segjast koma allstaðar að lokuðum dyrum. 6. apríl 2024 08:37