Ljóst er að um mikinn skell er að ræða fyrir lið Víkings Reykjavíkur en Nadía hefur verið með bestu leikmönnum liðsins sem varð bikarmeistari á síðasta tímabili og tryggði sér einnig sæti í efstu deild á komandi tímabili.
Nadía var fyrirliði Víkinga en nú er ljóst að hún leikur ekki með liðinu á komandi tímabili. Samningi milli hennar og Víkings Reykjavíkur hefur verið rift.
„Leikmaðurinn og þjálfari liðsins (John Andrews) áttu samtal sín á milli og leikmaður taldi betra að hún héldi á önnur mið í kjölfar þess samtals,“ sagði Kári í stuttu svari til blaðamanns og sagði hann yfirlýsingu að vænta frá félaginu. Nadía sjálf staðfesti svo einnig tíðindin í samtali við Vísi.
Knattspyrnudeild Víkings og Nadía Atladóttir hafa komist að samkomulagi um að ljúka samstarfi sínu.
— Víkingur (@vikingurfc) April 5, 2024
Víkingur þakkar Nadiu fyrir samstarfið og hennar framlag til félagsins og óskar henni alls hins besta í framtíðinni. pic.twitter.com/yFjXbhNZI1
Nadía á að baki 152 leiki með meistaraflokki hér á landi og hefur í þeim leikjum skorað 61 mark. Óvíst er á þessari stundu hvert hún heldur núna.
Víkingur Reykjavík hefur leik í Bestu deild kvenna á útivelli gegn Stjörnunni þann 22.apríl næstkomandi.
