Erlent

Skot­á­rás í finnskum grunn­skóla

Atli Ísleifsson skrifar
Mikill viðbúnaður var við skólann í Vantaa í morgun.
Mikill viðbúnaður var við skólann í Vantaa í morgun. AP

Lögregla í Finnlandi hefur handtekið einn eftir að tilkynnt var um skotárás í grunnskóla í finnska bænum Vantaa í morgun. Einhverjir hafa særst í árásinni þó að enn hafi ekki verið gefið upp um nákvæman fjölda.

Í frétt Helsingin Sanomat kemur fram að lögregla hafi verið kölluð á vettvang klukkan 9:08 að staðartíma, 6:08 að íslenskum tíma, og var því beint til almennings að fólk haldi sig innandyra og opni ekki fyrir ókunnugum.

Haft er eftir lögreglustjóranum Tiia Palmén að tilkynningar hafi borist um fjölda barna sem séu í felum í skólanum.

Um er að ræða Viertolan-grunnskólann í Vantaa sem er að finna norður af höfuðborginni Helsinki. Um níu hundruð nemendur í fyrsta til níunda bekk grunnskóla stunda nám við skólann. Starfsmenn skólans eru um níutíu.

Finnskir fjölmiðlar segja að mikill fjöldi sjúkrabíla og lögreglubíla sé að finna á vettvangi.

Uppfært 7:50: Lögregla í Finnlandi hefur nú greint frá því að upplýsingar séu um að þrjú börn hið minnsta hafi særst í árásinni. Hinn handtekni sé sömuleiðis á barnsaldri.

Finnland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið