Erlent

Fögnuðu lög­leiðingu kanna­bis­efna

Ólafur Björn Sverrisson skrifar
„Farðu varlega, hasshaus,“ segir á skilti mótmælanda við Brandenborgarhliðið við miðnætti.
„Farðu varlega, hasshaus,“ segir á skilti mótmælanda við Brandenborgarhliðið við miðnætti. Getty

Kannabisunnendur í Þýskalandi gátu fagnað vel og innilega við Brandenborgarhliðið á miðnætti þegar ný lög, sem gera einkaneyslu kannabisefna löglega, tóku gildi. Efasemdir eru hins vegar uppi um ágæti lögleiðingarinnar.

Með nýrri löggjöf er mega fullorðnir hafa allt að 25 grömm af kannabisefnum meðferðis. Þá er einnig heimilt að rækta allt að þrjár maríhúana-plöntur í heimahúsum. 

Á miðnætti söfnuðust grasreykingarmenn við Brandenborgarhliðið í höfuðborginni Berlín til að fagna lögleiðingunni. Hart hefur verið tekist á um lagabreytinguna á þingi. Þeir sem eru fylgjandi lögleiðingunni hafa haldið því fram að með breytingunni sé ungt fólk betur varið gegn spilltu kannabis. 

„Kannabisneysla var til staðar í gær. Hún hefur aukist,“ segir heilbrigðisráðherrann Karl Lauterbach. „Nú er hún komin af „tabú-svæðinu“. Með breytingunni er betur hægt að tækla fíkn, sinna forvörnum og slá á svarta markaðinn.“

Dómsmálaráðherra landsins hefur auk þess bent á að með lögleiðingunni minnki álag á lögreglu. 

Það eru hins vegar ekki allir jafn sáttir við breytinguna. Þar á meðal Katja Seidel, sálfræðingur á fíknimiðstöð í Berlín. 

„Frá okkar sjónarhóli er þetta hörmung. Aðgengi að efnunum verður betra, ímyndin breytist meðal ungmenna,“ er haft eftir Seidel í frétt AFP. Hún telur ljóst að neysla muni aukast til muna. 

Þýskaland Kannabis
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið