Innlent

Með tæp­lega 400 töflur inn­vortis á Litla-Hrauni

Jón Þór Stefánsson skrifar
Efnin fundust í öryggisleit á Litla-Hrauni.
Efnin fundust í öryggisleit á Litla-Hrauni. Vísir/Vilhelm

Karlmaður hefur hlotið sextíu daga fangelsisdóm í Héraðsdómi Suðurlands fyrir fíkniefnabrot með því að hafa í vörslum sínum 366 stykki af lyfjum við komu á fangelsið Litla-Hrauni

Fangaverðir fundu lyfin, sem voru af gerðinni Alprazolam Krka, við líkamsleit við komu mannsins í fangelsið í nóvember árið 2022, en efnin voru falin innvortis.

Í dómnum kemur fram að maðurinn hafi frá því að hann náði átján ára aldri sex sinnum verið dæmdur til refsingar fyrir ýmis konar brot.

Héraðsdómi þótti sextíu daga fangelsi hæfileg refsing, en vegna sakaferils mannsins þótti ekki ástæða til að skilorðsbundna hana. Þá féllst dómurinn kröfu ákæruvaldsins um að fíkniefnin sem málið varðar yrðu gerð upptæk.

Fangelsismál Dómsmál Fíkniefnabrot
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið