Innlent

Tíu tonna há­mark á Suður- og Vestur­landi

Hallgerður Kolbrún E. Jónsdóttir skrifar
Þyngd ökutækja hefur víða verið takmörkuð við tíu tonn.
Þyngd ökutækja hefur víða verið takmörkuð við tíu tonn. Vísir/Vilhelm

Vegna hættu á slitlagsskemmdum verður ásþungi ökutækja takmarkaður við tíu tonn bæði á Suðurlandi og Vesturlandi. 

Fram kemur í tilkynningu frá vegagerðinni að viðauki 1 verði þar með felldur úr gildi. Á Vesturlandi tekur breytingin gildi á morgun, 9. janúar, klukkan 8 en á Suðurlandi tekur hún gildi á miðvikudag, 10. janúar, klukkan 10. 

Á Suðurlandi gilda takmarkanirnar á öllum vegum í Vestur-Skaftafellssýslu, Rangárvallasýslu og Árnessýslu. Hringvegur 1 frá Reykjavík á Selfoss er undanskildur banninu, sem og Þrengslavegur (39) milli Þrengslavegamóta og Þorlákshafnar, og Suðurstrandavegur (427).

Á Vesturlandi gildir bannið á Snæfellsvegi (54), frá Borgarnesi vestur yfir Fróðárheiði og að norðanverðu að Stykkishólmsvegi. Á Útnesvegi (574), Stykkishólmsvegi (58), Vatnaleið (56), Vestfjarðarvegi (60) frá Dalsmynni til Ísafjarðar, Barðastrandarvegi (62), Bíldudalsvegi (63), Flateyrarvegi (64), Súgandafjarðarvegi (65), Þingeyrarvegi (622), Djúpavegi (61) frá Súðavík að gatnamótum Vestfjarðarvegar, Innstrandavegi (68), Strandavegi (643) og Drangsnesvegi (645). 

Þar að auki er ásþungi takmarkaður við sjö tonn frá gatnamótum Snæfellsnesvegar (54) og Stykkishólmsvegar (58) að Bíldhóli. 

Umferð Samgöngur Vegagerð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið