Innlent

Snjó­flóða­hætta á Norður­landi og Vest­fjörðum

Ólafur Björn Sverrisson skrifar
Snjó hefur kyngt niður á Norðurlandi.
Snjó hefur kyngt niður á Norðurlandi. vísir/vilhelm

Óvissustigi hefur verið lýst yfir vegna snjóflóðahættu á Norðurlandi og vegfarendur eru beðnir um að fara með gát. Snjóflóð hafa fallið bæði í Siglufirði og Ísafirði.

Þetta segir í tilkynningu Veðurstofunnar.

Snjóflóð féll í Strengsgili ofan Siglufjarðar í nótt og rann meðfram leiðigarðinum Stóra-Bola og yfir veg. Þá féllu tvö snjóflóð yfir Siglufjarðarveg. Nokkrir bílar festust Fljótamegin við Strákagöng og nutu aðstoðar björgunarsveita sem komu farþegum aftur til byggða.

„Talsvert hefur snjóað og skafið á Tröllaskaga í nótt, sérstaklega á utanverðum og vestanverðum skaganum. Áfram er spáð talsverðri snjókomu í dag, aðfangadag, og jóladag.

Ástæða er til þess fyrir ferðafólk og vegfarendur að fara með gát þar sem snjóflóð geta fallið,“ segir í lok tilkynningar.

Allir helstu vegir á Vestfjörðum eru sömuleiðis lokaðir en tvö snjóflóð féllu yfir Eyrarhlíð á Ísafirði.

„Af öryggisástæðum var veginum um Eyrarhlíðina lokað. Verið er að meta stöðuna m.t.t. hvort og hvenær er óhætt að opna veginn um Eyrarhlíðina. Það verður tilkynnt af hálfu Vegagerðarinnar og lögreglunnar,“ segir lögreglan á Vestfjörðum í tilkynningu. 

Veður Fjallabyggð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið