Innlent

Tveggja bíla á­rekstur við Sæ­braut

Oddur Ævar Gunnarsson skrifar
Annar bíllinn lenti á gönguljósi.
Annar bíllinn lenti á gönguljósi. Vísir

Tveggja bíla árekstur varð nú á áttunda tímanum á gatnamótum Kringlumýrarbrautar og Sæbrautar. Er Sæbraut lokuð til austurs á meðan viðbragðsaðilar athafna sig á vettvangi.

Samkvæmt upplýsingum frá slökkviliði urðu ekki alvarleg slys á farþegum. Ekki liggur fyrir hve margir voru í bílunum en tveir verða fluttir á slysadeild til skoðunar.

Einn dælubíll og tveir sjúkrabílar voru sendir á vettvang. Bílarnir lentu á ljósastaur samkvæmt slökkviliði og því fór betur en á horfðist.

Að sögn sjónarvotts voru bílarnir illa farnir. Viðbragðsaðilar vinna enn á vettvangi og er Sæbraut lokuð til austurs og Kringlumýrarbraut við gatnamót að Sæbraut.

Samgönguslys Reykjavík

Mest lesið


Fleiri fréttir

Sjá meira


×

Mest lesið