Öflugur jarð­skjálfti

Salóme Jórunn Bernharðsdóttir, náttúruvársérfræðingur á Veðurstofunni segir í samtali við fréttastofu að búið sé að leggja mat á stærð skjálftans. Upptök hans hafi verið nálægt Sýlingafelli á Reykjanesi á fimm kílómetra dýpi.

Hann hafi fundist vel í höfuðstöðvum Veðurstofunnar í Reykjavík og að hún reikni með því að hann hafi fundist víðar á höfuðborgarsvæðinu og jafnvel norðar.

Í tilkynningu frá Veðurstofunni segir að nokkuð þétt jarðskjálftahviða hafi hafist um klukkan 07 í morgun á þessum slóðum og tæplega 800 skjálftar hafi mælst þar frá miðnætti, þar af níu af stærð þrír eða stærri.

Jarðskjálftahviður hafi verið viðvarandi síðan landris hófst 27. október við Þorbjörn.

Fréttin hefur verið uppfærð.