Innlent

Finnur ráðinn verk­efna­stjóri vegna stofnunar þjóðar­óperu

Viktor Örn Ásgeirsson skrifar
Finnur Bjarnason er menntaður í óperusöng og hefur lokið meistaragráðu í menningarstjórnun frá Háskólanum á Bifröst.
Finnur Bjarnason er menntaður í óperusöng og hefur lokið meistaragráðu í menningarstjórnun frá Háskólanum á Bifröst. Stjórnarráðið

Menningar- og viðskiptaráðuneytið hefur ráðið Finn Bjarnason sem verkefnisstjóra vegna stofnunar þjóðaróperu. Ráðningin er til eins árs. Tólf sóttu um starfið.

„Finnur er menntaður í óperusöng og hefur lokið meistaragráðu í menningarstjórnun frá Bifröst með hæstu einkunn. Hann var um árabil fastráðinn söngvari við Komische Oper í Þýskalandi og hefur sem atvinnumaður og einsöngvari einstaka reynslu. Eftir nám á Bifröst hefur Finnur lagt stund á rannsóknir í menningarstjórnun við Bifröst,“ segir í tilkynningu á vef Stjórnarráðsins.

Eins og fyrr segir sóttu tólf um starfið en einn dró umsókn sína til baka. Undirbúnings- og ráðgjafanefnd vegna stofnunar þjóðaróperu taldi Finn uppfylla best skilyrðin sem sett voru fram í auglýsingu um starfið og var hann talinn standa öðrum umsækjendum framar.

Vistaskipti Ríkisstjórn Katrínar Jakobsdóttur Íslenska óperan Menning Þjóðaróperan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið