Innlent

Fok­sandur af há­lendinu veldur auknu svif­ryki í höfuð­borginni

Atli Ísleifsson skrifar
Um er að ræða sandfok af hálendinu samkvæmt upplýsingum frá Veðurstofu Íslands. Myndin er úr safni.
Um er að ræða sandfok af hálendinu samkvæmt upplýsingum frá Veðurstofu Íslands. Myndin er úr safni. Vísir/Vilhelm

Styrkur svifryks hefur mælst hár á loftgæðamælistöðvum í borginni í nótt og í dag og er það rakið til foksands af hálendinu.

Í tilkynningu frá Reykjavíkurborg kemur fram að klukkan 13:00 hafi klukkustundargildi svifryks í mælistöð Faxaflóahafna við Laugarnes verið 138,2 míkrógrömm á rúmmetra, í mælistöð Heilbrigðiseftirlits Reykjavíkur (HER) við leikskólann Lund við Klepp hafi klukkustundargildið verið 58,7 míkrógrömm á rúmmetra og í mælistöð HER við Vesturbæjarlaug hafi klukkustundargildið verið 76,6 míkrógrömm á rúmmetra.

Sólarhringsheilsuverndarmörk fyrir svifryk (PM10) eru 50 míkrógrömm á rúmmetra.

„Um er að ræða sandfok af hálendinu skv. upplýsingum frá Veðurstofu Íslands. Gildi svifryks eru há víðar á höfuðborgarsvæðinu og mælist HER til þess að börn og þau sem eru viðkvæm fyrir í öndunarfærum ættu að forðast útivist ef þau finna fyrir óþægindum.

Heilbrigðiseftirlit Reykjavíkur fylgist náið með loftgæðum borgarinnar og sendir frá sér viðvaranir og leiðbeiningar ef ástæða þykir til. Hægt er að fylgjast með styrk svifryks og annarra mengandi efna á loftgæði.is. Þar má sjá kort yfir mælistaði í Reykjavík og annars staðar á landinu,“ segir í tilkynningunni.

Loftgæði Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið