Erlent

Á­tján lík fundist eftir skógar­eldana í Grikk­landi

Atli Ísleifsson skrifar
Dadia-þjóðgarðurinn er stórt skógi vaxið svæði norður af Alexandroupolis og hafa skógareldarnir dreift hratt úr sér að undanförnu.
Dadia-þjóðgarðurinn er stórt skógi vaxið svæði norður af Alexandroupolis og hafa skógareldarnir dreift hratt úr sér að undanförnu. Getty

Lík átján manna hafa fundist í skóglendi í norðurhluta Grikklands á síðustu fjórum dögum þar sem skógareldar hafa geisað síðustu daga.

Talsmaður grísks slökkviliðs greindi frá þessu í dag að því er fram kemur í frétt BBC. Hann segir vísbendingar um að fólkið hafi verið flóttamenn þar sem ekki hafa borist neinar tilkynningar um að einhvers sé saknað. Sérstakt rannsóknarteymi og dánardómstjóri eru nú á leiðinni í Dadia-skóginn þar sem líkin fundust.

Miklir skógareldar hafa geisað í Ecros-héraði, ekki langt frá tyrknesku landamærunum, á síðustu dögum.

Flytja hefur þurft sjúklinga af sjúkrahúsinu í Alexandroupolis þar sem eldarnir hafa nú náð að lóð sjúkrahússins.

Dadia-þjóðgarðurinn er stórt skógi vaxið svæði norður af Alexandroupolis og hafa eldarnir dreift hratt úr sér.

Fjölmargir flóttamenn, meðal annars frá Sýrlandi og öðrum Asíuríkjum, hafa smyglað sér leið inn til Grikklands með því að þvera Evros-fljótið frá Tyrklandi.

Grikkland Gróðureldar í Grikklandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið