Innlent

Síma­sam­bands­leysi seinkaði björgunar­að­gerðum

Sólrún Dögg Jósefsdóttir skrifar
Slysið varð við Urðarhólavatn í dag. 
Slysið varð við Urðarhólavatn í dag.  Landsbjörg

Björgunarsveitin Sveinungur á Borgarfirði eystra var boðuð út á fyrsta tímanum í dag vegna slasaðs einstaklings sem var á gönguleið við Urðarhólsvatn. Ekkert símasamband var á slysstað sem gerði erfiðara að tilkynna um slysið.

Í tilkynningu segir að sá slasaði hafi verið í hópi göngufólks, nokkuð utan alfaraleiðar og á svæði þar sem ekkert símasamband var. Viðkomandi hrasaði á göngu og óttast var að hann hefði ökklabrotnað.

Þá segir að vegna símasabandsleysis hafi samferðamaður þurft að ganga nokkurn spöl til þess að ná símasambandi og geta tilkynnt um óhappið. 

Loks kemur fram að björgunarsveitarmenn hafi þurft að búa um þann slasaða og bera hann niður þar til komið var þangað sem sjúkrabíll komst. Um einn og hálfur tími leið frá því að útkall barst þar til hinn slasaði var kominn í sjúkrabíl. 

Björgunarsveitir Múlaþing
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið