Martröð mæðgna sem áttu að koma til Íslands á sunnudag Kolbeinn Tumi Daðason skrifar 8. ágúst 2023 14:54 Þetta skilti blasti við Evu Rún á Schiphol í Amsterdam í dag. Eftir hrakfarir í tæpa tvo sólarhringa var enn frestun á flugi. Eva Rún Þrjár íslenskar konur, systur og móðir þeirra, sem reiknuðu með að vera komnar heim til Íslands með flugi Icelandair frá Osló á sunnudagskvöld eru enn ókomnar heim. Þær hafa þurft að yfirgefa flugvél sem var á leiðinni í loftið, bíða í fjórtán klukkustundir á flugvelli og segja upplýsingagjöf í öllu ferlinu hafa verið ábótavant. Upplýsingafulltrúi Icelandair harmar óþægindin sem farþegar hafa lent í vegna frestana og aflýsinga á flugferðum. Eva Rún Guðmundsdóttir var á leiðinni heim frá Osló á sunnudaginn ásamt systur sinni og móður. Fyrir höndum var þriggja tíma flug frá Gardemoen til Keflavíkur þar sem þær áttu að lenda um tíuleytið. Eva Rún segir þær mæðgur hafa setið í flugvél Icelandair í um klukkustund þegar þeim var tilkynnt að fluginu hefði verði aflýst vegna bilaðrar síu. Langur dagur á Gardemoen Farþegar hafi verið ferjaðir í rútum á hótel þar sem þær hafi náð í kringum fjögurra tíma svefni. Bæði tók langan tíma að tékka allt fólkið inn og svo þurfti einfaldlega að vakna aftur snemma næsta dag. Mægðurnar voru svo mættar í morgunsárið aftur á Gardermoen-flugvöllinn þar sem fyrirhugað var flug klukkan tólf í hádeginu á mánudeginum. Þá byrjaði ansi langur dagur. Eva Rún lýsir því hvernig fluginu hafi stöðugt verið frestað allan daginn. Mest um þrjá og hálfan tíma en annars klukkustund til tvær í senn. Komið hafi verið fram á kvöld og vaktaskipti farið fram hjá starfsfólkinu á flugvellinum. Enn biðu farþegar í flugstöðinni og voru komnir við hliðið. Síðasta frestunin hafi verið með þeim upplýsingum að vélin færi í loftið klukkan 23. „Sem var mjög skrýtið því það var engin flugvél fyrir utan. Það sáu það allir.“ Aftur á hótel Á slaginu klukkan 23 hafi svo farþegar fengið SMS. Fluginu hafði verið aflýst og fólkið á leiðinni aftur á hótel. Þarna er komið mánudagskvöld en fólkið hafði reiknað með að vera komið til Íslands rúmum sólarhring fyrr. Farþegar fóru í að tékka sig inn á annað hótel en nóttina á undan þegar skilaboð fóru að berast frá Icelandair með plani fyrir þriðjudaginn. Eva Rún segir fólk hafa fengið ólíkar lausnir til að komast til Íslands. Þær sjálfar hafi beðið eftir skilaboðum, komnar með hausverk og ógleði eftir langan og þreytandi dag. „Við vorum að bíða eftir upplýsingum svo við gætum stillt vekjaraklukku. Við vorum orðnar rangeygðar af þreytu,“ segir Eva Rún. Svo bárust skilaboðin. Eva Rún átti flug um morguninn til Amsterdam og þaðan til Íslands. Áttræð móðir þeirra systra fékk skilaboð um flug klukkan 06 um morguninn til Kaupmannahafnar og þaðan til Íslands. Eva Rún segir varla hafa tekið því að fara á hótel fyrir þann flugtíma auk þess sem systurnar hafi viljað fylgja fullorðinni móður sinni á ferðalaginu. Kunnugleg skilaboð í Amsterdam Systir hennar og móðir urðu því eftir í Noregi og stefnt á að þær fljúgi til Íslands á morgun. Eva Rún flaug með SAS í morgun til Amsterdam. Þaðan átti hún að fá flug með Icelandair til Íslands. Hún segir aðeins klukkustund hafa verið frá áætlaðri lendingu í Noregi til brottfarar í Amsterdam. Smá seinkun hafi orðið á fluginu til Amsterdam og hún hafi því þurft að taka á sprettinn á Schiphol-flugvellinum. Hún var kominn að brottfararhliðinu í tæka tíð nema þar biðu hennar kunnuleg skilaboð. Fluginu hafði verið frestað um að minnsta kosti fjórar klukkustundir. Og viti menn, klukkustund fyrir áætlaða brottför var fluginu frestað um klukkustund. Þannig að þessa stundina bíður Eva Rún á flugvellinum í Amsterdam og vonast til að komast til Íslands tveimur sólarhringum á eftir áætlun. Ekki eftir flug þvert yfir hnöttinn heldur frá Osló til Keflavíkur. Eva Rún segir upplýsagjöf Icelandair í ferlinu öllu hafa verið langt undir væntingum sínum. Hún getur ekki beðið eftir að komast til landsins eftir hrakningar undanfarinna tveggja sólarhringa. Hún þurfi einfaldlega að komast heim til fjölskyldu sinnar og mæta í vinnuna. Fréttastofa hefur leitað viðbragða hjá Icelandair vegna málsins. Fréttin verður uppfærð með viðbrögðum þegar þau berast. Uppfært klukkan 16:49 Guðni Sigurðsson, upplýsingafulltrúi Icelandair, segir flugfélagið miður sín vegna þess hve seinlega hefur gengið að koma farþegum með flugvél félagsins til Íslands frá Osló. Um sé að ræða röð óheppilegra atvika. Fyrst hafi orðið tæknibilun í Osló á sunnudeginum sem ekki hafi tekist að laga á þeim tíma sem reiknað hafði verið með. Þar hafi bæði spilað inn í annir á flugvellinum og sömuleiðis slæmt veður þar í landi. Gerð hafi verið önnur tilraun til að laga flugvélina á mánudeginum en það ekki tekist. Alls hafi tíu farþegar verið settir í flug til Amsterdam með SAS og þaðan til Íslands í dag, þriðjudag. Sú vél hafi lent í því að fá fugl í hreyfilinn við lendingu í Amsterdam. Fyrir vikið var því flugi seinkað og nú aflýst á fimmta tímanum að íslenskum tíma. Nýjustu fregnir hermi að fólkið fái flug heim til Íslands á morgun. „Þetta er mjög óheppilegt og auðvitað erfiðar aðstæður fyrir farþega,“ segir Guðni. Hann harmar að farþegar upplifi að upplýsingagjöf hafi verið bágborin. Það skipti mestu máli við aðstæður sem þessar, að upplýsingagjöf sé í lagi. „Við ætlum að skoða það og biðjumst afsökunar ef farþegar hafa ekki fengið nægar og góðar upplýsingar.“ Icelandair Fréttir af flugi Ferðalög Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íransforseti fórst í þyrluslysinu Erlent Sat saklaus í unglingafangelsi í tvö ár Innlent Leitin enn ekki borið árangur Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Forsetavaktin 2024: Hver verður sjöundi forseti lýðveldisins? Innlent Varasamt að ferðast á sumardekkjum í kvöld Innlent Áfall þegar samskipti Katrínar og Kára voru birt Innlent Stuðningur Katrínar við sóttvarnarlækni sjálfsagður Innlent Fleiri fréttir Sat saklaus í unglingafangelsi í tvö ár Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Sjá meira
Eva Rún Guðmundsdóttir var á leiðinni heim frá Osló á sunnudaginn ásamt systur sinni og móður. Fyrir höndum var þriggja tíma flug frá Gardemoen til Keflavíkur þar sem þær áttu að lenda um tíuleytið. Eva Rún segir þær mæðgur hafa setið í flugvél Icelandair í um klukkustund þegar þeim var tilkynnt að fluginu hefði verði aflýst vegna bilaðrar síu. Langur dagur á Gardemoen Farþegar hafi verið ferjaðir í rútum á hótel þar sem þær hafi náð í kringum fjögurra tíma svefni. Bæði tók langan tíma að tékka allt fólkið inn og svo þurfti einfaldlega að vakna aftur snemma næsta dag. Mægðurnar voru svo mættar í morgunsárið aftur á Gardermoen-flugvöllinn þar sem fyrirhugað var flug klukkan tólf í hádeginu á mánudeginum. Þá byrjaði ansi langur dagur. Eva Rún lýsir því hvernig fluginu hafi stöðugt verið frestað allan daginn. Mest um þrjá og hálfan tíma en annars klukkustund til tvær í senn. Komið hafi verið fram á kvöld og vaktaskipti farið fram hjá starfsfólkinu á flugvellinum. Enn biðu farþegar í flugstöðinni og voru komnir við hliðið. Síðasta frestunin hafi verið með þeim upplýsingum að vélin færi í loftið klukkan 23. „Sem var mjög skrýtið því það var engin flugvél fyrir utan. Það sáu það allir.“ Aftur á hótel Á slaginu klukkan 23 hafi svo farþegar fengið SMS. Fluginu hafði verið aflýst og fólkið á leiðinni aftur á hótel. Þarna er komið mánudagskvöld en fólkið hafði reiknað með að vera komið til Íslands rúmum sólarhring fyrr. Farþegar fóru í að tékka sig inn á annað hótel en nóttina á undan þegar skilaboð fóru að berast frá Icelandair með plani fyrir þriðjudaginn. Eva Rún segir fólk hafa fengið ólíkar lausnir til að komast til Íslands. Þær sjálfar hafi beðið eftir skilaboðum, komnar með hausverk og ógleði eftir langan og þreytandi dag. „Við vorum að bíða eftir upplýsingum svo við gætum stillt vekjaraklukku. Við vorum orðnar rangeygðar af þreytu,“ segir Eva Rún. Svo bárust skilaboðin. Eva Rún átti flug um morguninn til Amsterdam og þaðan til Íslands. Áttræð móðir þeirra systra fékk skilaboð um flug klukkan 06 um morguninn til Kaupmannahafnar og þaðan til Íslands. Eva Rún segir varla hafa tekið því að fara á hótel fyrir þann flugtíma auk þess sem systurnar hafi viljað fylgja fullorðinni móður sinni á ferðalaginu. Kunnugleg skilaboð í Amsterdam Systir hennar og móðir urðu því eftir í Noregi og stefnt á að þær fljúgi til Íslands á morgun. Eva Rún flaug með SAS í morgun til Amsterdam. Þaðan átti hún að fá flug með Icelandair til Íslands. Hún segir aðeins klukkustund hafa verið frá áætlaðri lendingu í Noregi til brottfarar í Amsterdam. Smá seinkun hafi orðið á fluginu til Amsterdam og hún hafi því þurft að taka á sprettinn á Schiphol-flugvellinum. Hún var kominn að brottfararhliðinu í tæka tíð nema þar biðu hennar kunnuleg skilaboð. Fluginu hafði verið frestað um að minnsta kosti fjórar klukkustundir. Og viti menn, klukkustund fyrir áætlaða brottför var fluginu frestað um klukkustund. Þannig að þessa stundina bíður Eva Rún á flugvellinum í Amsterdam og vonast til að komast til Íslands tveimur sólarhringum á eftir áætlun. Ekki eftir flug þvert yfir hnöttinn heldur frá Osló til Keflavíkur. Eva Rún segir upplýsagjöf Icelandair í ferlinu öllu hafa verið langt undir væntingum sínum. Hún getur ekki beðið eftir að komast til landsins eftir hrakningar undanfarinna tveggja sólarhringa. Hún þurfi einfaldlega að komast heim til fjölskyldu sinnar og mæta í vinnuna. Fréttastofa hefur leitað viðbragða hjá Icelandair vegna málsins. Fréttin verður uppfærð með viðbrögðum þegar þau berast. Uppfært klukkan 16:49 Guðni Sigurðsson, upplýsingafulltrúi Icelandair, segir flugfélagið miður sín vegna þess hve seinlega hefur gengið að koma farþegum með flugvél félagsins til Íslands frá Osló. Um sé að ræða röð óheppilegra atvika. Fyrst hafi orðið tæknibilun í Osló á sunnudeginum sem ekki hafi tekist að laga á þeim tíma sem reiknað hafði verið með. Þar hafi bæði spilað inn í annir á flugvellinum og sömuleiðis slæmt veður þar í landi. Gerð hafi verið önnur tilraun til að laga flugvélina á mánudeginum en það ekki tekist. Alls hafi tíu farþegar verið settir í flug til Amsterdam með SAS og þaðan til Íslands í dag, þriðjudag. Sú vél hafi lent í því að fá fugl í hreyfilinn við lendingu í Amsterdam. Fyrir vikið var því flugi seinkað og nú aflýst á fimmta tímanum að íslenskum tíma. Nýjustu fregnir hermi að fólkið fái flug heim til Íslands á morgun. „Þetta er mjög óheppilegt og auðvitað erfiðar aðstæður fyrir farþega,“ segir Guðni. Hann harmar að farþegar upplifi að upplýsingagjöf hafi verið bágborin. Það skipti mestu máli við aðstæður sem þessar, að upplýsingagjöf sé í lagi. „Við ætlum að skoða það og biðjumst afsökunar ef farþegar hafa ekki fengið nægar og góðar upplýsingar.“
Icelandair Fréttir af flugi Ferðalög Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íransforseti fórst í þyrluslysinu Erlent Sat saklaus í unglingafangelsi í tvö ár Innlent Leitin enn ekki borið árangur Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Forsetavaktin 2024: Hver verður sjöundi forseti lýðveldisins? Innlent Varasamt að ferðast á sumardekkjum í kvöld Innlent Áfall þegar samskipti Katrínar og Kára voru birt Innlent Stuðningur Katrínar við sóttvarnarlækni sjálfsagður Innlent Fleiri fréttir Sat saklaus í unglingafangelsi í tvö ár Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Sjá meira