Innlent

Mygla í Val­húsa­skóla

Máni Snær Þorláksson skrifar
Mygla hefur greinst í Valhúsaskóla á Seltjarnarnesi.
Mygla hefur greinst í Valhúsaskóla á Seltjarnarnesi. Vísir/Vilhelm

Mygla hefur greinst í Valhúsaskóla á Seltjarnarnesi. Tvær skólastofur komu verst út í greiningu á húsnæðinu og þarf að bregðast strax við í þeim. Bæjarstjóri Seltjarnarnesbæjar er þó bjartsýnn á að rask vegna viðgerða verði ekki of mikið.

„Við erum bjartsýn á að þetta taki ekki langan tíma. Við ætlum að vinna þetta mjög náið með foreldrasamfélaginu og skólastjórnendum. Við tökum þetta alvarlega,“ segir Þór Sigurgeirsson, bæjarstjóri Seltjarnarnesbæjar, í samtali við fréttastofu.

Þór segir að hann og skólastjórnendur séu núna að fara yfir skýrslu verkfræðistofunnar Eflu um ástand húsnæðisins. „Við sitjum yfir aðgerðaplaninu núna og erum að semja það. Það verða meiri upplýsingar um þetta bara strax á morgun vænti ég.“

Fram kemur í skýrslunni að tvær skólastofur í Valhúsaskóla séu verstar. „Við þurfum að bregðast við strax þar,“ segir Þór. „Þetta er fimmtíu ára gamalt húsnæði þannig það er ekki óeðlilegt að það sé ekki alveg upp á tíu.“

Mygla Seltjarnarnes Skóla - og menntamál Grunnskólar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið