Ökumenn beri ábyrgðina Magnús Jochum Pálsson skrifar 26. júlí 2023 10:19 Hjólreiðakona hjólar eftir vegöxl við þjóðveginn. Það eru alls ekki svona góðar aðstæður fyrir hjólreiðafólk við þjóðveginn um land allt. Getty Ökumenn fyrir aftan hjólreiðamenn á vegum úti sem geta ekki tekið fram úr með öruggum hætti verða að hægja á sér þar til aðstæður leyfa segir samskiptastjóri Samgöngustofu. Taki þeir fram úr skulu ökumenn passa að hliðarbil milli bíls og hjóls séu að lágmarki einn og hálfur metri. Ný umferðarlög voru samþykkt árið 2019 og í 23. grein þeirra stendur „Sé ekið fram úr reiðhjóli eða léttu bifhjóli skal hliðarbil að lágmarki vera 1,5 metrar.“ Aðstæður á þjóðveginum geta þó oft verið ansi erfiðar til þess. Þórhildur Elín Elínardóttir, samskiptastjóri Samgöngustofu, kom í Reykavík síðdegis í gær til að ræða um hvernig ökumenn úti á landi eiga að fara að þegar þeir eru fyrir aftan hjólreiðafólk en aðstæður leyfa ekki framúrakstur. Þetta getur búið til snúnar aðstæður þar sem ekki er hægt að taka fram úr hjólreiðamanni? „Vissulega, það hefur flækt aðeins stöðuna að við erum með fjölbreyttari samgöngur en áður og vegakerfið er kannski fyrst og fremst hugsað frá upphafi sem bílaumferðarleiðir,“ sagði Þórhildur. Hvernig eiga menn að haga sér í slíkum aðstæðum þegar ekki er hægt að taka fram úr hjólreiðamanni löglega? „Þá hægjum við á okkur. Það er í rauninni það eina sem við getum gert samkvæmt laganna hljóðan. Okkur ber að hægja á okkur þar til við getum tekið fram úr með öruggum hætti og hafa einn og hálfan metra að lágmarki á milli.“ „Þessi regla var sett í öryggisskyni fyrir hjólreiðafólk af því það eru vissulega óvarðir vegfarendur á meðan bíllinn getur valdið miklu meiri skaða,“ sagði Þórhildur. Hjólreiðafólk orðið miklu meira áberandi Þórhildur segir að það séu ekki alls staðar aðstæður þar sem eru góðar vegaxlir eða brotin lína þar sem er hægt að taka fram. Þá þurfi að sýna skynsemi, tillitsemi og yfirvegun. Hafið þið heyrt af því að það hafi orðið árekstrar í sumar? „Ég hef ekki heyrt af því en það þarf ekki að tákna neitt en sem betur fer hef ég að minnsta kosti ekki heyrt af alvarlegum óhöppum,“ segir Þórhildur. „Hjólreiðafólki hefur farið mjög fjölgandi úti á vegum og eðlilega vegna þess að hjólreiðafólk almennt er farið að vera meira áberandi í umferðinni. Við þurfum auðvitað að vita af því.“ „Alveg eins og þegar við erum úti á vegum að keyra og það er dráttarvél fyrir framan okkur sem fer hægt og það eru ekki aðstæður til þess að taka fram úr þá förum við hægar þangað til aðstæður leyfa,“ sagði Þórhildur. Getur reynt á þolinmæðina að sýna hægu fólki tillit Þórhildur segir að þar sem ekki sé hægt að búa til eins og hálfs metra bil verði ökumenn að hægja ferðina og vera fyrir aftan hjólreiðamanninn á hraða hans. Annað hvort taki ökumaður fram úr með löglegum hætti eða hjólreiðamaðurinn hleypi umferðinni fram úr sér. Maður getur alveg ímyndað sér að þetta geti skapað pirring fyrir fólk sem vill vera á löglegum hraða ef það er kannski komið niður á fimmtán kílómetra hraða á 90 kílómetra hraðakafla. „Nú hef ég ekki alveg fulla yfirsýn yfir það en ég held að þetta séu ekki endilega mjög langir kaflar þar sem er óbrotin lína þar sem er ekki hægt að taka fram úr og hjólreiðamaðurinn er ekki í neinni aðstöðu til að hleypa fram úr sér. “ „En vissulega getur það reynt á þolinmæðina að taka tillit til annarra sem eru á öðrum farartækjum og fara á öðrum hraða en maður sjálfur. Það er bara þannig í lífinu,“ sagði Þórhildur. Ökumenn gefi hjólreiðamönnum faðminn Reglur um framúrakstur á hjólreiðamönnum eru hluti af umferðarlögunum sem voru samþykkt árið 2019. Þórhildur segir Samgöngustofa brýna fyrir fólki að taka fram úr fallega. „Við setjum þetta fram með þeim hætti að við gefum hjólreiðamönnum faðm okkar. Það hefur borið á ákveðinni kergju hjá stöku ökumönnum og stöku hjólreiðamönnum gagnvart hinum hópnum,“ segir hún. „Þetta er um það bil einn faðmur, einn og hálfur metri, og um leið viljum við hvetja fólk til að gera þetta af umburðarlyndi.“ Þessi lög tóku gildi 1. janúar 2020. Eru ökukennarar að miðla þessa til nýrra ökumanna? „Það tel ég fullvíst, þeim ber að upplýsa ökunema um helstu umferðarlög. Þetta er auðvitað eitt af því sem er nýtt í lögunum og skiptir okkur miklu máli.“ „Ekkert okkar vill verða til þess að það verði slys bara af því við erum pirruð. Það er aðeins að anda í kviðinn og yfirleitt leysist þetta mjög fljótlega,“ sagði Þórhildur. Samgöngur Hjólreiðar Umferðaröryggi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Var í símanum á 142 kílómetra hraða áður en hann lést Innlent Dæmdur fyrir manndráp af gáleysi vegna ofsaaksturs undir áhrifum Innlent Vænsti maður og harðduglegur Innlent Læknirinn mátti læsa dætur sínar inni eftir allt saman Innlent Bíllinn í happdrætti Ástþórs úr hans eigin smiðju Innlent Halla Tómasdóttir tekur stökk í nýrri könnun Prósents Innlent Forsetavaktin 2024: Hver verður sjöundi forseti lýðveldisins? Innlent Vaknaði og barnið var horfið Innlent Lilja hefur áhyggjur af „nýlenskunni“ á RÚV Innlent Maðurinn ríkisborgari Möltu Innlent Fleiri fréttir „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Spreyjaði málningu á bifreiðar í miðbænum Fluttur með þyrlu til Reykjavíkur eftir árekstur Kaldavatnslaust á Arnarnesi Telur ekki viðeigandi að tjá sig um mál Maríu Sigrúnar Þurfi að gera úrbætur en ástandið verið ýkt Lilja hefur áhyggjur af „nýlenskunni“ á RÚV Lýsa eftir Bandaríkjamanni Bíllinn í happdrætti Ástþórs úr hans eigin smiðju Göngin lokuð á miðvikudagskvöld Tekur til varna eftir stuðningsyfirlýsingu við Katrínu Maðurinn ríkisborgari Möltu Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Sjá meira
Ný umferðarlög voru samþykkt árið 2019 og í 23. grein þeirra stendur „Sé ekið fram úr reiðhjóli eða léttu bifhjóli skal hliðarbil að lágmarki vera 1,5 metrar.“ Aðstæður á þjóðveginum geta þó oft verið ansi erfiðar til þess. Þórhildur Elín Elínardóttir, samskiptastjóri Samgöngustofu, kom í Reykavík síðdegis í gær til að ræða um hvernig ökumenn úti á landi eiga að fara að þegar þeir eru fyrir aftan hjólreiðafólk en aðstæður leyfa ekki framúrakstur. Þetta getur búið til snúnar aðstæður þar sem ekki er hægt að taka fram úr hjólreiðamanni? „Vissulega, það hefur flækt aðeins stöðuna að við erum með fjölbreyttari samgöngur en áður og vegakerfið er kannski fyrst og fremst hugsað frá upphafi sem bílaumferðarleiðir,“ sagði Þórhildur. Hvernig eiga menn að haga sér í slíkum aðstæðum þegar ekki er hægt að taka fram úr hjólreiðamanni löglega? „Þá hægjum við á okkur. Það er í rauninni það eina sem við getum gert samkvæmt laganna hljóðan. Okkur ber að hægja á okkur þar til við getum tekið fram úr með öruggum hætti og hafa einn og hálfan metra að lágmarki á milli.“ „Þessi regla var sett í öryggisskyni fyrir hjólreiðafólk af því það eru vissulega óvarðir vegfarendur á meðan bíllinn getur valdið miklu meiri skaða,“ sagði Þórhildur. Hjólreiðafólk orðið miklu meira áberandi Þórhildur segir að það séu ekki alls staðar aðstæður þar sem eru góðar vegaxlir eða brotin lína þar sem er hægt að taka fram. Þá þurfi að sýna skynsemi, tillitsemi og yfirvegun. Hafið þið heyrt af því að það hafi orðið árekstrar í sumar? „Ég hef ekki heyrt af því en það þarf ekki að tákna neitt en sem betur fer hef ég að minnsta kosti ekki heyrt af alvarlegum óhöppum,“ segir Þórhildur. „Hjólreiðafólki hefur farið mjög fjölgandi úti á vegum og eðlilega vegna þess að hjólreiðafólk almennt er farið að vera meira áberandi í umferðinni. Við þurfum auðvitað að vita af því.“ „Alveg eins og þegar við erum úti á vegum að keyra og það er dráttarvél fyrir framan okkur sem fer hægt og það eru ekki aðstæður til þess að taka fram úr þá förum við hægar þangað til aðstæður leyfa,“ sagði Þórhildur. Getur reynt á þolinmæðina að sýna hægu fólki tillit Þórhildur segir að þar sem ekki sé hægt að búa til eins og hálfs metra bil verði ökumenn að hægja ferðina og vera fyrir aftan hjólreiðamanninn á hraða hans. Annað hvort taki ökumaður fram úr með löglegum hætti eða hjólreiðamaðurinn hleypi umferðinni fram úr sér. Maður getur alveg ímyndað sér að þetta geti skapað pirring fyrir fólk sem vill vera á löglegum hraða ef það er kannski komið niður á fimmtán kílómetra hraða á 90 kílómetra hraðakafla. „Nú hef ég ekki alveg fulla yfirsýn yfir það en ég held að þetta séu ekki endilega mjög langir kaflar þar sem er óbrotin lína þar sem er ekki hægt að taka fram úr og hjólreiðamaðurinn er ekki í neinni aðstöðu til að hleypa fram úr sér. “ „En vissulega getur það reynt á þolinmæðina að taka tillit til annarra sem eru á öðrum farartækjum og fara á öðrum hraða en maður sjálfur. Það er bara þannig í lífinu,“ sagði Þórhildur. Ökumenn gefi hjólreiðamönnum faðminn Reglur um framúrakstur á hjólreiðamönnum eru hluti af umferðarlögunum sem voru samþykkt árið 2019. Þórhildur segir Samgöngustofa brýna fyrir fólki að taka fram úr fallega. „Við setjum þetta fram með þeim hætti að við gefum hjólreiðamönnum faðm okkar. Það hefur borið á ákveðinni kergju hjá stöku ökumönnum og stöku hjólreiðamönnum gagnvart hinum hópnum,“ segir hún. „Þetta er um það bil einn faðmur, einn og hálfur metri, og um leið viljum við hvetja fólk til að gera þetta af umburðarlyndi.“ Þessi lög tóku gildi 1. janúar 2020. Eru ökukennarar að miðla þessa til nýrra ökumanna? „Það tel ég fullvíst, þeim ber að upplýsa ökunema um helstu umferðarlög. Þetta er auðvitað eitt af því sem er nýtt í lögunum og skiptir okkur miklu máli.“ „Ekkert okkar vill verða til þess að það verði slys bara af því við erum pirruð. Það er aðeins að anda í kviðinn og yfirleitt leysist þetta mjög fljótlega,“ sagði Þórhildur.
Samgöngur Hjólreiðar Umferðaröryggi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Var í símanum á 142 kílómetra hraða áður en hann lést Innlent Dæmdur fyrir manndráp af gáleysi vegna ofsaaksturs undir áhrifum Innlent Vænsti maður og harðduglegur Innlent Læknirinn mátti læsa dætur sínar inni eftir allt saman Innlent Bíllinn í happdrætti Ástþórs úr hans eigin smiðju Innlent Halla Tómasdóttir tekur stökk í nýrri könnun Prósents Innlent Forsetavaktin 2024: Hver verður sjöundi forseti lýðveldisins? Innlent Vaknaði og barnið var horfið Innlent Lilja hefur áhyggjur af „nýlenskunni“ á RÚV Innlent Maðurinn ríkisborgari Möltu Innlent Fleiri fréttir „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Spreyjaði málningu á bifreiðar í miðbænum Fluttur með þyrlu til Reykjavíkur eftir árekstur Kaldavatnslaust á Arnarnesi Telur ekki viðeigandi að tjá sig um mál Maríu Sigrúnar Þurfi að gera úrbætur en ástandið verið ýkt Lilja hefur áhyggjur af „nýlenskunni“ á RÚV Lýsa eftir Bandaríkjamanni Bíllinn í happdrætti Ástþórs úr hans eigin smiðju Göngin lokuð á miðvikudagskvöld Tekur til varna eftir stuðningsyfirlýsingu við Katrínu Maðurinn ríkisborgari Möltu Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Sjá meira