Grunaður raðmorðingi giftur íslenskri konu Samúel Karl Ólason skrifar 14. júlí 2023 22:06 Rex Heuermann, þegar hann var handtekinn í gær. Hann hefur verið ákærður fyrir að myrða þrjár konur á árum áður. AP/Fógetinn í Suffolksýslu Maðurinn, sem handtekinn var í New York í gær og er ákærður fyrir að myrða þrjár konur, er giftur íslenskri konu. Spjótin beindust meðal annars að honum vegna DNA-sýnis sem fannst á konunum þremur og talið er vera af íslensku konunni. Maðurinn heitir Rex Heuermann og er 59 ára gamall en hann lýsti yfir sakleysi sínu í dómsal í dag. Hann var ákærður fyrir að myrða þrjár konur og er grunaður um að hafa myrt þá fjórðu. Konan íslenska, hin 59 ára gamla Ása Ellerup, er ekki grunuð um aðkomu að morðunum. Samkvæmt gæsluvarðhaldskröfu saksóknara var hún stödd á Íslandi þegar ein konan var myrt og ekki heima þegar hinar tvær voru myrtar. Ása Ellerup.Facebook Fjölmiðlar ytra eins og New York Post og Daily Mail hafa nafngreint konuna og birt myndir af henni. Post hefur eftir nágrönnum hjónanna að þau hafi alið upp tvö börn en Ása Ellerup er önnur eiginkona hans og saman eiga þau eina dóttur. Samkvæmt frétt Post átti Ása annað barn úr fyrra sambandi. Heuermann var úrskurðaður í gæsluvarðhald án möguleika á því að vera sleppt gegn tryggingu og mætir næst fyrir dómara þann 1. ágúst næstkomandi. Gæsluvarðhaldskröfuna má finna hér. GæsluvarðhaldskrafaPDF1.2MBSækja skjal Við leit að týndri konu í Gilgo Beach árið 2010, fundust lík fjögurra kvenna sem höfðu horfið á undanförnum árum. Heuermann er grunaður um að hafa myrt þær allar en er nú ákærður fyrir að myrða þrjár þeirra. Konurnar þrjár sem Heuermann hefur verið ákærður fyrir að myrða hétu Melissa Barthelemy, sem hvarf árið 2009 og Megan Waterman og Amber Costello, sem hurfu árið 2010. Fjórða konan, sem hann er grunaður um að hafa myrt hét Maureen Brainard-Barnes en hún hvarf árið 2007. Sjá einnig: Skæður raðmorðingi loks gómaður Síðar fundust fleiri líkamsleifar á svæðinu sem ekki hefur tekist að tengja við mál Heuermann. Morð þessi hafa gengið undir nafninu „Morðin á Gilgo Beach“ og hafa vakið gífurlega athygli vestanhafs. Áreitti fjölskyldu eins fórnarlambs síns Í frétt CNN um málið segir að rannsóknin á morðunum hafi verið í dvala þegar sérstök sveit var mynduð fyrir tveimur árum til að hefja hana á nýjan leik. Rannsakendur beindu í fyrstu sjónum sínum að umfangsmiklum símagögnum sem á endanum leiddu þá á spor Heuermann. Í gæsluvarðhaldskröfu yfir Heuermann fullyrða saksóknarar að símreikningar sýni fram á að Heuermann hafi keypt sér einnota farsíma til að eiga í samskiptum við þrjár af konunum fjórum sem voru vændiskonur. Upptökur úr öryggismyndavélum eru sagðar sýna hann kaupa einn símanna. Heuermann er sagður hafa notað einn símann til að áreita fjölskyldu Barthelemy, eftir að hann myrti hana. Rannsakendur komust að því að netfang sem tengdist símunum var ítrekað notað til að leita að upplýsingum um vændiskonur, barnaklám, myndum af konunum sem hann er grunaður um að hafa myrt og fjölskyldumeðlimum þeirra, sem og ofbeldisfullu klámefni. Saksóknarar birtu í dag þessar myndir af Rex Heuermann sem hefur verið ákærður fyrir að myrða þrjár konur og er grunaður um að hafa myrt minnst eina til viðbótar.Saksóknaraembætti Suffolksýslu Hann er einnig sagður hafa leitað að upplýsingum um rannsóknina á morðunum. „Af hverju gat lögreglan ekki rakið símtöl frá raðmorðingjanum í Long Island?“ skrifaði hann við eina leitina. „Af hverju hefur lögreglan ekki fundið Long Island raðmorðingjann?“ skrifaði hann jafnframt, auk þess sem hann leitaði á síðasta ári að upplýsingum um það hvernig ný símatækni gæti varpað nýju ljósi á rannsókn lögreglunnar. Einn þessara síma er sagður hafa fundist á honum við handtöku í gær. Fundu lífssýni Hár og annars konar lífsýni fundust á líkamsleifum kvennanna þriggja sem Heuermann er sakaður um að hafa myrt. Á líkum þriggja þeirra fundust hár frá konu og í fyrra komust rannsakendur yfir flöskur sem hent hafði verið í ruslið við heimili Heuermann og Ásu. Þar fundust sýni sem reyndust vera frá sömu konunni og hárin sem fundust á líkunum, eða af einhverri náskyldri henni. Hárin eru talin vera af Ásu, samkvæmt gæsluvarðhaldskröfunni. Talið er að þau hafi borist á lík kvennanna með límbandinu eða ólunum sem þær voru bundnar með, af Heuermann eða af sekkjunum sem lík kvennanna voru vafin í. Hár af karlmanni fannst einnig á líki Waterman. Lögregluþjónar sem fylgdust með ferðum Heuermann í janúar fundu pítsukassa sem hann hafði hent í ruslið og tókst að finna sýni á ókláraðri pítsusneið. Þau lífssýni eru sögð vera mjög lík. Veistu meira um málið? Vísir tekur við öllum ábendingum á ritstjorn@visir.is. Fullum trúnaði er heitið. Bandaríkin Gilgo Beach-raðmorðinginn Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef ekkert breytist þá erum við að fara á hausinn“ Innlent Stefna íslenska ríkinu vegna andláts tveggja ára dóttur Innlent Fjölskyldur birta myndskeið af blóðugum gíslum Hamas-liða Erlent Annar umdeildur fáni hékk við annað hús dómara Erlent Skipsbrak varpar ljósi á harmleik undan Vestfjörðum fyrir 72 árum Innlent Níu létust á framboðsfundi Erlent Tveir handteknir í tveimur aðskildum málum vegna ofbeldis í heimahúsi Innlent Forsetavaktin 2024: Hver verður sjöundi forseti lýðveldisins? Innlent Árás á tólf ára stúlku fór betur en á horfðist Innlent Kínverjar æfa innrás á Taívan Erlent Fleiri fréttir Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Aldraður eðlisfræðingur sendur í gúlagið fyrir landráð „Stöðvið stuldinn“-fáni á lóð dómara eftir árásina á þinghúsið Mynd fer á flug í kjölfar tilrauna til að láta fjarlægja hana Biden segir Ísraela saklausa af ásökunum um þjóðarmorð Réttað yfir Hinrik XIII og öðrum leiðtogum valdaránstilraunar OpenAI hættir notkun raddar eftir inngrip lögmanna Johansson Sjá meira
Maðurinn heitir Rex Heuermann og er 59 ára gamall en hann lýsti yfir sakleysi sínu í dómsal í dag. Hann var ákærður fyrir að myrða þrjár konur og er grunaður um að hafa myrt þá fjórðu. Konan íslenska, hin 59 ára gamla Ása Ellerup, er ekki grunuð um aðkomu að morðunum. Samkvæmt gæsluvarðhaldskröfu saksóknara var hún stödd á Íslandi þegar ein konan var myrt og ekki heima þegar hinar tvær voru myrtar. Ása Ellerup.Facebook Fjölmiðlar ytra eins og New York Post og Daily Mail hafa nafngreint konuna og birt myndir af henni. Post hefur eftir nágrönnum hjónanna að þau hafi alið upp tvö börn en Ása Ellerup er önnur eiginkona hans og saman eiga þau eina dóttur. Samkvæmt frétt Post átti Ása annað barn úr fyrra sambandi. Heuermann var úrskurðaður í gæsluvarðhald án möguleika á því að vera sleppt gegn tryggingu og mætir næst fyrir dómara þann 1. ágúst næstkomandi. Gæsluvarðhaldskröfuna má finna hér. GæsluvarðhaldskrafaPDF1.2MBSækja skjal Við leit að týndri konu í Gilgo Beach árið 2010, fundust lík fjögurra kvenna sem höfðu horfið á undanförnum árum. Heuermann er grunaður um að hafa myrt þær allar en er nú ákærður fyrir að myrða þrjár þeirra. Konurnar þrjár sem Heuermann hefur verið ákærður fyrir að myrða hétu Melissa Barthelemy, sem hvarf árið 2009 og Megan Waterman og Amber Costello, sem hurfu árið 2010. Fjórða konan, sem hann er grunaður um að hafa myrt hét Maureen Brainard-Barnes en hún hvarf árið 2007. Sjá einnig: Skæður raðmorðingi loks gómaður Síðar fundust fleiri líkamsleifar á svæðinu sem ekki hefur tekist að tengja við mál Heuermann. Morð þessi hafa gengið undir nafninu „Morðin á Gilgo Beach“ og hafa vakið gífurlega athygli vestanhafs. Áreitti fjölskyldu eins fórnarlambs síns Í frétt CNN um málið segir að rannsóknin á morðunum hafi verið í dvala þegar sérstök sveit var mynduð fyrir tveimur árum til að hefja hana á nýjan leik. Rannsakendur beindu í fyrstu sjónum sínum að umfangsmiklum símagögnum sem á endanum leiddu þá á spor Heuermann. Í gæsluvarðhaldskröfu yfir Heuermann fullyrða saksóknarar að símreikningar sýni fram á að Heuermann hafi keypt sér einnota farsíma til að eiga í samskiptum við þrjár af konunum fjórum sem voru vændiskonur. Upptökur úr öryggismyndavélum eru sagðar sýna hann kaupa einn símanna. Heuermann er sagður hafa notað einn símann til að áreita fjölskyldu Barthelemy, eftir að hann myrti hana. Rannsakendur komust að því að netfang sem tengdist símunum var ítrekað notað til að leita að upplýsingum um vændiskonur, barnaklám, myndum af konunum sem hann er grunaður um að hafa myrt og fjölskyldumeðlimum þeirra, sem og ofbeldisfullu klámefni. Saksóknarar birtu í dag þessar myndir af Rex Heuermann sem hefur verið ákærður fyrir að myrða þrjár konur og er grunaður um að hafa myrt minnst eina til viðbótar.Saksóknaraembætti Suffolksýslu Hann er einnig sagður hafa leitað að upplýsingum um rannsóknina á morðunum. „Af hverju gat lögreglan ekki rakið símtöl frá raðmorðingjanum í Long Island?“ skrifaði hann við eina leitina. „Af hverju hefur lögreglan ekki fundið Long Island raðmorðingjann?“ skrifaði hann jafnframt, auk þess sem hann leitaði á síðasta ári að upplýsingum um það hvernig ný símatækni gæti varpað nýju ljósi á rannsókn lögreglunnar. Einn þessara síma er sagður hafa fundist á honum við handtöku í gær. Fundu lífssýni Hár og annars konar lífsýni fundust á líkamsleifum kvennanna þriggja sem Heuermann er sakaður um að hafa myrt. Á líkum þriggja þeirra fundust hár frá konu og í fyrra komust rannsakendur yfir flöskur sem hent hafði verið í ruslið við heimili Heuermann og Ásu. Þar fundust sýni sem reyndust vera frá sömu konunni og hárin sem fundust á líkunum, eða af einhverri náskyldri henni. Hárin eru talin vera af Ásu, samkvæmt gæsluvarðhaldskröfunni. Talið er að þau hafi borist á lík kvennanna með límbandinu eða ólunum sem þær voru bundnar með, af Heuermann eða af sekkjunum sem lík kvennanna voru vafin í. Hár af karlmanni fannst einnig á líki Waterman. Lögregluþjónar sem fylgdust með ferðum Heuermann í janúar fundu pítsukassa sem hann hafði hent í ruslið og tókst að finna sýni á ókláraðri pítsusneið. Þau lífssýni eru sögð vera mjög lík. Veistu meira um málið? Vísir tekur við öllum ábendingum á ritstjorn@visir.is. Fullum trúnaði er heitið.
Veistu meira um málið? Vísir tekur við öllum ábendingum á ritstjorn@visir.is. Fullum trúnaði er heitið.
Bandaríkin Gilgo Beach-raðmorðinginn Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef ekkert breytist þá erum við að fara á hausinn“ Innlent Stefna íslenska ríkinu vegna andláts tveggja ára dóttur Innlent Fjölskyldur birta myndskeið af blóðugum gíslum Hamas-liða Erlent Annar umdeildur fáni hékk við annað hús dómara Erlent Skipsbrak varpar ljósi á harmleik undan Vestfjörðum fyrir 72 árum Innlent Níu létust á framboðsfundi Erlent Tveir handteknir í tveimur aðskildum málum vegna ofbeldis í heimahúsi Innlent Forsetavaktin 2024: Hver verður sjöundi forseti lýðveldisins? Innlent Árás á tólf ára stúlku fór betur en á horfðist Innlent Kínverjar æfa innrás á Taívan Erlent Fleiri fréttir Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Aldraður eðlisfræðingur sendur í gúlagið fyrir landráð „Stöðvið stuldinn“-fáni á lóð dómara eftir árásina á þinghúsið Mynd fer á flug í kjölfar tilrauna til að láta fjarlægja hana Biden segir Ísraela saklausa af ásökunum um þjóðarmorð Réttað yfir Hinrik XIII og öðrum leiðtogum valdaránstilraunar OpenAI hættir notkun raddar eftir inngrip lögmanna Johansson Sjá meira