Innlent

Segja 2,5 prósent ekki duga til og krefjast hækkunar upp á 4,2 prósent

Hólmfríður Gísladóttir skrifar
Þuríður Harpa Sigurðardóttir, formaður Öryrkjabandalags Íslands.
Þuríður Harpa Sigurðardóttir, formaður Öryrkjabandalags Íslands. Vísir/Vilhelm

Öryrkjabandalag Íslands krefst þess að lífeyrir almannatrygginga hækki um 4,2 prósent þann 1. júlí næstkomandi. Þau 2,5 prósent sem ríkisstjórnin leggur til í aðgerðapakka sínum dugi ekki til að vega upp á móti þrálátri verðbólgu og verja kaupmátt.

Þetta kemur fram í ályktun frá ÖBÍ.

„Til þess að örorkulífeyrir haldi í við verðbólgu og til þess að uppfylla fyrirheit um kaupmáttaraukningu sem gefin voru um áramót krefjast ÖBÍ réttindasamtök þess aðlífeyrir verði hækkaður um 4,2% í stað þeirrar snautlegu 2,5% hækkunar sem boðuð hefur verið,“ segir í ályktuninni.

Verðbólgan sé mikil og hafi verið um nokkurt skeið. Samhliða því hafi vextir hækkað og aukinn fjöldi fólks, sérstaklega þeir tekjulægstu, berjist í bökkum. Rík þörf sé á stuðningsaðgerðum.

„Á sama tíma hefur hagvöxtur verið mikill. Hagkerfið hefur vaxið átta ársfjórðunga í röð og tekjur hins opinbera því vaxið meira en búist var við. Að rétta hlut þeirra sem verst standa er því vel mögulegt sé raunverulegur vilji fyrir hendi.

ÖBÍ réttindasamtökgera þá sanngjörnu kröfu að fatlað fólk sem þarf að reiða sig á lífeyri almannatryggingafái hlut sinn bættan.“

Málefni fatlaðs fólks Kjaramál Verðlag
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið