Innlent

Mikið um til­kynningar vegna há­vaða og drykkju ung­menna

Hólmfríður Gísladóttir skrifar
Lögregla hafði í nægu að snúast í nótt en útskriftir fóru víða fram í gær.
Lögregla hafði í nægu að snúast í nótt en útskriftir fóru víða fram í gær. Vísir/KTD

Margar tilkynningar bárust lögreglu í gærkvöldi og nótt um hávaða og drykkju ungmenna og þá bárust nokkrar tilkynningar vegna veikinda. Þess ber að geta í því samhengi að útskriftir fóru víða fram í gær.

Samkvæmt yfirliti lögreglu á höfuðborgarsvæðinu um vaktina voru 73 mál skráð í Löke á tímabilinu 17 í gær til 5 í nótt.

Í miðborginni/Vesturbæ var tilkynnt um þjófnað á síma og innbrot og þjófnað í verslun. Þá var manni í annarlegu ástandi vísað út af matsölustað og öðrum sinnt annars staðar. Einn var fluttur á bráðamóttöku með áverka á ökla.

Tilkynning barst um rúðubrot í Garðabæ og líkamsárás í Hafnarfirði. Þá var maður í annarlegu ástandi handtekinn í Seljahverfi og annar vegna gruns um vörslu fíkniefna. Tilkynnt var um líkamsárás og þjófnað í póstnúmerinu 112 og maður handtekinn vegna vopnalagbrots í 110.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×