Segir hið pantaða álit engan bömmer fyrir stjórnarandstöðuna Jakob Bjarnar skrifar 12. maí 2023 10:37 Jón Gunnarsson og Björn Leví. Í morgun birtust fréttir af lögfræðiáliti Lagastofnunar Háskóla Íslands sem benda til þess að vantrauststillaga stjórnarandstöðunnar, sem var felld á þinginu, hafi verið algerlega tilhæfulaus. Björn Leví segir hið pantaða álit dómsmálaráðuneytisins sjálfsmark. vísir/vilhelm Morgunblaðið birti í morgun frétt um lögfræðiálit HÍ undir fyrirsögninni „Tillaga um vantraust misskilningur“. Rætt er við Jón Gunnarsson dómsmálaráðherra þar sem hann segist ekki hafa brotið þingskaparlög með vísan til álitsins. Björn Leví Gunnarsson þingmaður Pírata telur lítið hald í þessu. „Jón Gunnarsson dómsmálaráðherra braut ekki þingskapalög með ákvörðun um að Útlendingastofnun tæki allar umsóknir um veitingu ríkisborgararéttar fyrir í tímaröð, bæði umsóknir til Alþingis og Útlendingastofnunar. Þetta kemur fram í álitsgerð Lagastofnunar Háskóla Íslands um hvernig túlka bæri lögin, sem unnin var að beiðni dómsmálaráðuneytisins.“ Lögfræðin komin á Morfíslegt plan Athygli vekur að í morgun lá álitið ekki fyrir nema þá að Morgunblaðið hafði það undir höndum og svo Jón sjálfur. Í frétt blaðsins í morgun er að finna eina tilvitnun í álitið. „Þannig verður ekki ráðið af orðalagi, lögskýringargögnum, forsögu og markmiðum ákvæðisins eða öðrum ákvæðum þingskapalaga að í réttinum til að fara fram á að upplýsingar verði „teknar saman“ felist að stjórnvald skuli afla upplýsinga og leggja mat á þær í formi umsagna. Enn síður verður ályktað að upplýsingaréttinum verði beitt til að knýja á um að stjórnvöld sinni lögbundinni skyldu sinni til að veita umsögn samkvæmt öðrum lögum.“ Jón mætti svo í Bítið á Bylgjunni þar sem hann úttalaði sig um álitið. Þetta hlýtur að vera áfall fyrir stjórnarandstöðuna en í vor lagði hún fram tillögu um vantraust á hendur Jóni. Flutningsmenn tillögunnar voru Þórhildur Sunna Ævarsdóttir þingflokksformaður Pírata, Þórunn Sveinbjarnardóttir í fjarveru Loga Einarssonar þingflokksformanns Samfylkingarinnar, Guðmundur Ingi Kristinsson þingflokksformaður Flokks fólksins og Hanna Katrín Friðriksson þingflokksformaður Viðreisnar. Tillagan var felld. En Björn Leví segir það ekki svo. „Nei, ég myndi ekki segja það. Þetta er enn eitt dæmið um andstæð lögfræðiálit sem liggja fyrir og taka þarf afstöðu til. Óþolandi hversu lögfræðin virðist vera á Morfíslegu plani,“ segir Björn Leví í samtali við Vísi. Misvísandi lögfræðiálit skapi óþolandi stöðu Björn hafði ekki í morgun séð álitið í heild sinni frekar en Vísir sem hefur kallað eftir því sérstaklega. En hann heggur eftir því að tilvitnunin gengur í berhögg við það sem fyrir liggur frá nefndarsviði Alþingis. Hvað varði umfjöllun Alþingis um umsóknir um ríkisborgararétt, „þá sé það hluti af löggjafarstarfi þingsins, þar sem ekki reyni á eftirlitshlutverkið gagnvart framkvæmdarvaldinu" „Sko,“ segir Björn Leví og helst á honum að heyra að þetta sé óþolandi staða sem verið er að teikna upp með hinu pantaða áliti. „Tímarammi eru ekki góð rök fyrir því að álykta megi sem svo að ekki eigi að afla nýrra gagna. Enda er það svo sem ekki spurning í þessu máli heldur. Það á að safna gögnum sem eru til og gefa á þeim álit. En látum það liggja á milli hluta.“ Björn vitnar í greinargerð frumvarps eins og hún liggur fyrir af hálfu Alþingis og spyr hvort Lagastofnun hafi ekki lesið greinargerðina? „Með breytingunni er lagt til að heimild þingnefndar til þess að krefja stjórnvald, svo sem sjálfstæð stjórnvöld eða sjálfstæðar stjórnsýslunefndir, um upplýsingar verði ekki takmörkuð við afhendingu fyrirliggjandi gagna heldur einnig að teknar séu saman upplýsingar og unnið úr þeim yfirlit eftir atvikum í nýtt skjal fyrir þingnefnd“. Segir álitið sjálfsmark Jóns Björn segir að hér sé mótsögn sem ekki sé ávörpuð. Og þegar svo er geti reynst auðvelt að taka álitið sem Jón pantaði frá Lögfræðistofnun, „ og krumpa og henda í ruslið. Við erum ítrekað að lenda í því að skoða lögfræðiálit sem benda í sitthvora áttina. Lögfræðiálit sem kallað er eftir frá hagsmunaaðilum.“ Björn Leví segir óþolandi að lögfræðins sé orðin þannig að hún vísi í allar áttir, að því er virðist bara eins og hentar hagsmunaaðilum hverju sinni.Vísir/Vilhelm Björn segir að skoða verði efni máls og rök sem liggja fyrir, ekki það hvað hagsmunaaðilar eru að kalla eftir. „Þarna er mjög auðvelt að finna mótsögn, það eitt og sér, óháð því hver er hagsmunaaðilinn sem kallar eftir álitinu, er vandamál. Við finnum ekki sömu mótsagnir í áliti nefndarsviðs Alþingis.“ En þarna er sem verið sé að sparka undan ykkur í stjórnarandstöðunni fótunum og gera ykkur að ómerkingum? „Auðvitað er verið að reyna það en þetta er sjálfsmark sýnist mér. En þeim er oft sama um það, segja bara það sem hentar óháð því hvort hægt er að hrekja gögnin. Ef þú segir hlutina nógu oft. Það er hinn pólitíski leikur sem alltaf er verið að spila og er gríðarlega þreytandi. Þetta er Morfískeppni,“ segir Björn Leví og andvarpar. Umrætt álit birtist svo á vef stjórnarráðsins uppúr klukkan tíu í morgun. Alþingi Innflytjendamál Stjórnsýsla Fjölmiðlar Háskólar Ríkisstjórn Katrínar Jakobsdóttur Mest lesið „Furðuutanríkisstefna“ Trump hafi rekið Indland í fangið á Kínverjum Innlent Lögregla tók hús á Skorrdælingum sem fjölgar í aðdraganda kosninga Innlent Pútín og Xi ræddu ódauðleika í gegnum líffæragjöf Erlent „Við hvað ertu hræddur?“ Innlent Svikahrappurinn gripinn glóðvolgur og grunaður um fleiri svik Innlent Fimmtán látnir hið minnsta eftir að kláfur fór út af sporinu Erlent Segir andúð meiri í garð Miðflokksmanna en trans fólks Innlent Segja tilraunir með „fljúgandi Chernobyl“ hafnar Erlent „Halló kríp, ég er með slæmar fréttir fyrir þig“ Innlent Sótt að Snorra vegna framkomu hans og forneskjulegra skoðana Innlent Fleiri fréttir „Furðuutanríkisstefna“ Trump hafi rekið Indland í fangið á Kínverjum Lögregla tók hús á Skorrdælingum sem fjölgar í aðdraganda kosninga Gætu fengið að kjósa í sínu gamla sveitarfélagi „Við hvað ertu hræddur?“ Nálgunarbannið of torsótt og máttlaust án ökklabands Trump tilnefnir sendiherrann nýja SHÍ gagnrýnir fækkun heilbrigðiseftirlita Samstaða hinsegin samfélagsins, skiptar skoðanir Grindvíkinga og Labubu-æði Reyndust hafa þýfi úr fleiri innbrotum í fórum sínum „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Sjá meira
„Jón Gunnarsson dómsmálaráðherra braut ekki þingskapalög með ákvörðun um að Útlendingastofnun tæki allar umsóknir um veitingu ríkisborgararéttar fyrir í tímaröð, bæði umsóknir til Alþingis og Útlendingastofnunar. Þetta kemur fram í álitsgerð Lagastofnunar Háskóla Íslands um hvernig túlka bæri lögin, sem unnin var að beiðni dómsmálaráðuneytisins.“ Lögfræðin komin á Morfíslegt plan Athygli vekur að í morgun lá álitið ekki fyrir nema þá að Morgunblaðið hafði það undir höndum og svo Jón sjálfur. Í frétt blaðsins í morgun er að finna eina tilvitnun í álitið. „Þannig verður ekki ráðið af orðalagi, lögskýringargögnum, forsögu og markmiðum ákvæðisins eða öðrum ákvæðum þingskapalaga að í réttinum til að fara fram á að upplýsingar verði „teknar saman“ felist að stjórnvald skuli afla upplýsinga og leggja mat á þær í formi umsagna. Enn síður verður ályktað að upplýsingaréttinum verði beitt til að knýja á um að stjórnvöld sinni lögbundinni skyldu sinni til að veita umsögn samkvæmt öðrum lögum.“ Jón mætti svo í Bítið á Bylgjunni þar sem hann úttalaði sig um álitið. Þetta hlýtur að vera áfall fyrir stjórnarandstöðuna en í vor lagði hún fram tillögu um vantraust á hendur Jóni. Flutningsmenn tillögunnar voru Þórhildur Sunna Ævarsdóttir þingflokksformaður Pírata, Þórunn Sveinbjarnardóttir í fjarveru Loga Einarssonar þingflokksformanns Samfylkingarinnar, Guðmundur Ingi Kristinsson þingflokksformaður Flokks fólksins og Hanna Katrín Friðriksson þingflokksformaður Viðreisnar. Tillagan var felld. En Björn Leví segir það ekki svo. „Nei, ég myndi ekki segja það. Þetta er enn eitt dæmið um andstæð lögfræðiálit sem liggja fyrir og taka þarf afstöðu til. Óþolandi hversu lögfræðin virðist vera á Morfíslegu plani,“ segir Björn Leví í samtali við Vísi. Misvísandi lögfræðiálit skapi óþolandi stöðu Björn hafði ekki í morgun séð álitið í heild sinni frekar en Vísir sem hefur kallað eftir því sérstaklega. En hann heggur eftir því að tilvitnunin gengur í berhögg við það sem fyrir liggur frá nefndarsviði Alþingis. Hvað varði umfjöllun Alþingis um umsóknir um ríkisborgararétt, „þá sé það hluti af löggjafarstarfi þingsins, þar sem ekki reyni á eftirlitshlutverkið gagnvart framkvæmdarvaldinu" „Sko,“ segir Björn Leví og helst á honum að heyra að þetta sé óþolandi staða sem verið er að teikna upp með hinu pantaða áliti. „Tímarammi eru ekki góð rök fyrir því að álykta megi sem svo að ekki eigi að afla nýrra gagna. Enda er það svo sem ekki spurning í þessu máli heldur. Það á að safna gögnum sem eru til og gefa á þeim álit. En látum það liggja á milli hluta.“ Björn vitnar í greinargerð frumvarps eins og hún liggur fyrir af hálfu Alþingis og spyr hvort Lagastofnun hafi ekki lesið greinargerðina? „Með breytingunni er lagt til að heimild þingnefndar til þess að krefja stjórnvald, svo sem sjálfstæð stjórnvöld eða sjálfstæðar stjórnsýslunefndir, um upplýsingar verði ekki takmörkuð við afhendingu fyrirliggjandi gagna heldur einnig að teknar séu saman upplýsingar og unnið úr þeim yfirlit eftir atvikum í nýtt skjal fyrir þingnefnd“. Segir álitið sjálfsmark Jóns Björn segir að hér sé mótsögn sem ekki sé ávörpuð. Og þegar svo er geti reynst auðvelt að taka álitið sem Jón pantaði frá Lögfræðistofnun, „ og krumpa og henda í ruslið. Við erum ítrekað að lenda í því að skoða lögfræðiálit sem benda í sitthvora áttina. Lögfræðiálit sem kallað er eftir frá hagsmunaaðilum.“ Björn Leví segir óþolandi að lögfræðins sé orðin þannig að hún vísi í allar áttir, að því er virðist bara eins og hentar hagsmunaaðilum hverju sinni.Vísir/Vilhelm Björn segir að skoða verði efni máls og rök sem liggja fyrir, ekki það hvað hagsmunaaðilar eru að kalla eftir. „Þarna er mjög auðvelt að finna mótsögn, það eitt og sér, óháð því hver er hagsmunaaðilinn sem kallar eftir álitinu, er vandamál. Við finnum ekki sömu mótsagnir í áliti nefndarsviðs Alþingis.“ En þarna er sem verið sé að sparka undan ykkur í stjórnarandstöðunni fótunum og gera ykkur að ómerkingum? „Auðvitað er verið að reyna það en þetta er sjálfsmark sýnist mér. En þeim er oft sama um það, segja bara það sem hentar óháð því hvort hægt er að hrekja gögnin. Ef þú segir hlutina nógu oft. Það er hinn pólitíski leikur sem alltaf er verið að spila og er gríðarlega þreytandi. Þetta er Morfískeppni,“ segir Björn Leví og andvarpar. Umrætt álit birtist svo á vef stjórnarráðsins uppúr klukkan tíu í morgun.
Alþingi Innflytjendamál Stjórnsýsla Fjölmiðlar Háskólar Ríkisstjórn Katrínar Jakobsdóttur Mest lesið „Furðuutanríkisstefna“ Trump hafi rekið Indland í fangið á Kínverjum Innlent Lögregla tók hús á Skorrdælingum sem fjölgar í aðdraganda kosninga Innlent Pútín og Xi ræddu ódauðleika í gegnum líffæragjöf Erlent „Við hvað ertu hræddur?“ Innlent Svikahrappurinn gripinn glóðvolgur og grunaður um fleiri svik Innlent Fimmtán látnir hið minnsta eftir að kláfur fór út af sporinu Erlent Segir andúð meiri í garð Miðflokksmanna en trans fólks Innlent Segja tilraunir með „fljúgandi Chernobyl“ hafnar Erlent „Halló kríp, ég er með slæmar fréttir fyrir þig“ Innlent Sótt að Snorra vegna framkomu hans og forneskjulegra skoðana Innlent Fleiri fréttir „Furðuutanríkisstefna“ Trump hafi rekið Indland í fangið á Kínverjum Lögregla tók hús á Skorrdælingum sem fjölgar í aðdraganda kosninga Gætu fengið að kjósa í sínu gamla sveitarfélagi „Við hvað ertu hræddur?“ Nálgunarbannið of torsótt og máttlaust án ökklabands Trump tilnefnir sendiherrann nýja SHÍ gagnrýnir fækkun heilbrigðiseftirlita Samstaða hinsegin samfélagsins, skiptar skoðanir Grindvíkinga og Labubu-æði Reyndust hafa þýfi úr fleiri innbrotum í fórum sínum „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Sjá meira