Innlent

Tekinn á 59 kíló­metra hraða á raf­­hlaupa­hjólinu, hjálm­laus og með far­þega

Atli Ísleifsson skrifar
Drengurinn var á 59 kílómetra þar sem hámarkshraði er 50.
Drengurinn var á 59 kílómetra þar sem hámarkshraði er 50. Vísir/Vilhelm

Lögregla á höfuðborgarsvæðinu stöðvaði unglingspilt sem ók rafhlaupahjóli á 59 kílómetra hraða niður Þúsöld í Grafarholti þar sem hámarkshraði er 50.  

Í tilkynningu frá lögreglu segir að lögregla hafi verið við í götunni þegar drengurinn kom á þessum mikla hraða. 

Þar segir að við mælingarnar hafi brotahlutfallið verið tíu prósent, sem ekki teljist til sérstakra tíðinda, en hitt hafi verið alvarlegra að einn þeirra sem hafi verið staðinn að hraðakstri hafi verið grunnskólapiltur á rafhlaupahjóli. 

„Hraði hjólsins mældist 59 km/klst en þarna er 50 km hámarkshraði. Vert er líka að nefna að pilturinn var hjálmlaus, sem og farþegi sem var með honum á hjólinu, en sá var piltur á svipuðu reki. 

Ekki þarf að hafa mörg orð um afleiðingar þess ef hjólreiðamanninum hefði fipast við aksturinn, en þá hefði þessi ökuferð endað mjög illa,“ segir í tilkynningunni.

Rafhlaupahjól Reykjavík Lögreglumál Umferðaröryggi Börn og uppeldi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið