Erlent

Saka Úkraínu­menn um bana­til­ræði gegn Pútín í morgun

Hólmfríður Gísladóttir skrifar
Forsetann sakaði ekki.
Forsetann sakaði ekki.

Rússnesk stjórnvöld hafa sakað Úkraínumenn um banatilræði gegn Vladimir Pútín Rússlandsforseta. Þau segja um að ræða skipulagða hryðjuverkaárás og segjast áskilja sér réttinn til að grípa til hefndaraðgerða hvar og hvenær sem er.

Myndskeið hafa verið birt á samfélagsmiðlum sem sýna dróna svífa yfir Kreml snemma í morgun. Ríkisfréttastofan RIA segir að tveir drónar hafi verið notaðir í árásinni en þeir hafi verið teknir niður af rússneskum öryggissveitum.

Pútín hafi ekki sakað né hafi verið unnar skemmdir á byggingum.

RIA hefur eftir ráðamönnum að um sé að ræða skipulagt banatilræði gegn forsetanum í aðdraganda Sigurdagsins 9. maí næstkomandi. Árásin muni ekki hafa áhrif á dagskrá forsetans.

Rússar áskilji sér réttinn til að hefna fyrir árásina, hvar og hvenær sem er.

Úkraínumenn hafa ekki svarað ásökununum.

Fyrir neðan má sjá nokkur myndskeið.

Rússland Innrás Rússa í Úkraínu Úkraína Hernaður Vladimír Pútín
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið