„Afbrigðilegt“ kuldakast og fordæmalaust frá 1951

Hólmfríður Gísladóttir skrifar 14. mars 2023 11:12

Einar Sveinbjörnsson veðurfræðingur segir kuldakastið síðustu daga „afbrigðilegt“ og fordæmalausir frá 1951. Útlit er fyrir að morgundagurinn verði tíundi dagurinn í röð þar sem hitinn í Reykjavík fer ekki yfir frostmark.

„Ég er ekki viss um að fólk átti sig á því hve afbrigðilegir kuldarnir eru,“ segir Einar á Facebook um samfellt frost frá 6. mars. Það verði ekki fyrr en á fimmtudag sem hitinn gæti „potast upp í 0°C“ yfir miðjan daginn.

Einar segir um að ræða óvenju langan kuldakafla í mars. Fyrir jól hafi samfelldur frostakafli náð 14 dögum en þá var sól lægst á lofti. Nú sé sólin að verma yfir daginn.

„Meira segja kaldasta marsmánuð í minni eldri núlifandi landsmanna, þ.e. 1979, voru þeir 11 samfelldu frostadagarnir (28. feb - 10. mars). Kælandi hafís var þá lónandi undan öllu Norðurlandi saman með þrálátri N- og NA-áttinni.

Fyrstu 5 dagar mánaðarins voru hlýir, en síðan þá lætur nærri að meðalhitinn sé á milli -6,5 og -7,0°C í Reykjavík,“ segir Einar.

Hann segir að fara þurfi aftur til 1951 til að finna álíka kuldakast og nú án hafíss undan ströndum landsins.

Hér má finna umfjöllun Trausta Jónssonar veðurfræðings um veður árið 1951.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.