Ásta Sól­lilja nýr fram­kvæmda­stjóri Klak

Fyrir starfaði Ásta sem viðskiptaþróunarstjóri hjá Auðnu tæknitorgi og þar áður sem fjármálastjóri Volta ehf. Þá hefur hún einnig starfað í lyfja- og tæknigeiranum, meðal annars fyrir Actavis og Íslenska erfðagreiningu. 

Ásta er með MBA frá Háskólanum í Reykjavík, diplóma í stjórnun frá Harvard-háskóla í Bandaríkjunum, meistaragráðu í heilbrigðisvísindum frá Háskóla Íslands og BS-gráðu í líffræði frá sama skóla. 

„Nýsköpun er lykill að öflugu atvinnulífi, spennandi atvinnutækifærum og verðmætasköpun framtíðarinnar. Starfsemi Klaks hefur skipt sköpum á vegferð fjölmargra sprota sem hafa þroskast yfir í stöndug fyrirtæki. Ég er mjög spennt fyrir því að ganga til liðs við Klak og leiða áframhaldandi uppbyggingu starfseminnar í samstarfi við frábært teymi, sterka stjórn og öfluga bakhjarla,“ er haft eftir Ástu í tilkynningu.