Rafíþróttir

Sjáðu leið Du­sty að enn einum deildar­meistara­titlinum: Mynd­band

Hjörtur Leó Guðjónsson skrifar
Liðsmenn Dusty fögnuðu enn einum titlinum síðastliðið fimmtudagskvöld.
Liðsmenn Dusty fögnuðu enn einum titlinum síðastliðið fimmtudagskvöld.

Eftir æsispennandi tímabil voru það liðsmenn Dusty sem tryggðu sér deildarmeistaratitilinn í Ljósleiðaradeildinni í CS:GO síðastliðinn fimmtudag.

Dusty hefur haft mikla yfirburði í íslensku CS:GO senunni seinustu ár, en í ár fékk liðið þó hörkusamkeppni. Ekki bara frá einu liði, heldur tveimur. Atlantic Esports og Þór fylgdu Dusty á toppi deildarinnar alveg fram á seinasta dag og þegar deildarkeppninni lauk var Dusty aðeins með tveggja stiga forskot á toppnum.

Það skiptir víst ekki máli hvort lið hafi tveggja stiga eða tíu stiga forskot þegar deildarkeppninni lýkur, titillinn er í eigu Dusty enn eitt árið.

Hér fyrir neðan má sjá stutt myndband sem sett var saman í tilefni af sigri Dusty í Ljósleiðaradeildinni, en þar má sjá öll helstu tilþrif liðsins á leiðinni að deildarmeistaratitlinum. Framundan er svo Stórmeistaramótið þar sem Dusty á einnig titil að verja.

Klippa: Leið Dusty að deildarmeistaratitlinum



Fleiri fréttir

Sjá meira


×