Doktor og fyrrverandi bæjarstjóri vilja taka við af Skúla Eggerti

Kolbeinn Tumi Daðason skrifar 27. janúar 2023 10:06

Skúli Eggert Þórðarson var ríkisendurskoðandi um árabil en tók við sem ráðuneytisstjóri í fyrra. Hann verður sjötugur í febrúar. Vísir

Sjö sóttu um embætti ráðuneytisstjóra menningar- og viðskiptaráðuneytisins, en staðan var auglýst þann 27. desember 2022 og umsóknarfrestur rann út þann 23. janúar síðastliðinn.

Þetta kemur fram í tilkynningu á vef Stjórnarráðsins. Skúli Eggert Þórðarson, sem gegnt hefur starfinu undanfarið ár, verður sjötugur í febrúar og hættir störfum.

Umsækjendur eru eftirtaldir:

Ásgeir Brynjar Torfason, doktor í fjármálum
Daníel Svavarsson, skrifstofustjóri
Eyjólfur Vilberg Gunnarsson, fv. sparisjóðsstjóri
Gísli Halldór Halldórsson, fv. bæjarstjóri
Sigrún Brynja Einarsdóttir, skrifstofustjóri
Sigurður Erlingsson, fv. forstjóri
Þröstur Óskarsson, sérfræðingur

Þriggja manna hæfnisnefnd hefur verið skipuð af menningar- og viðskiptaráðherra til að meta hæfni umsækjenda og skila greinargerð til ráðherra.

Formaður hæfnisnefndarinnar er Þorgeir Örlygsson, fyrrverandi forseti Hæstaréttar og ráðuneytisstjóri í viðskiptaráðuneytinu, og aðrir nefndarmenn eru Magnús Pétursson, fyrrverandi ríkissáttasemjari og ráðuneytisstjóri í fjármálaráðuneytinu, og Valgerður Rún Benediktsdóttir, lögfræðingur hjá Sambandi íslenskra sveitarfélaga og fyrrverandi skrifstofustjóri í atvinnuvegaráðuneytinu.

Menningar- og viðskiptaráðherra skipar í embættið til fimm ára frá og með 1. mars 2023.

Stjórnsýsla Vistaskipti

Tengdar fréttir

Ríkisendurskoðandi skipaður ráðuneytisstjóri

Skúli Eggert Þórðarson fyrrum ríkisendurskoðandi hefur verið skipaður ráðuneytisstjóri nýs menningar- og viðskiptaráðuneytis. Hann hefur störf þann 1. febrúar næstkomandi.

27. janúar 2022 22:29

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.