Innlent

Eitt fjöl­mennasta brid­ge­mót Ís­lands­sögunnar

Bjarki Sigurðsson skrifar
Mótið er eitt það fjölmennasta sem haldið hefur verið á Íslandi.
Mótið er eitt það fjölmennasta sem haldið hefur verið á Íslandi. Aðsend

Yfir sjö hundruð manns eru skráðir til þátttöku á Reykjavík Bridgefestival sem hefst í Hörpu í dag. Um er að ræða eitt fjölmennasta bridgemót sem haldið hefur verið á Íslandi. 

Um þriðjungur spilara kemur erlendis frá en margir af bestu spilurum heims munu mæta til leiks á mótinu. Skráningar hafa farið fram úr öllum væntingum að sögn Matthíasar Imsland, framkvæmdastjóra Reykjavík Bridgefestival og Bridgesambands Íslands. 

„Einnig mæta til leiks margir efnilegir spilarar. Það má meðal annars nefna að í danska kvennalandsliðiðinu er meðalaldur spilara rétt yfir 20 ára og í tveimur bandarískum sveitum mæta nýkrýndir Bandaríkjameistarar ungmenna. Það er einnig áhugavert að yfir 60 ára aldursmunur er á yngsta og elsta keppanda mótsins," er haft eftir Matthíasi í tilkynningu.

Mikil aukning hefur verið á áhuga Íslendinga á bridge síðasta árið og segist Matthías sjá mikla aukningu í spilurum. Þá hafa aldrei jafn margir skráð sig á námskeið til að læra bridge. 

Í dag og á morgun verður spilað í tvímenning en á laugardag og sunnudag verður sveitakeppni. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×