Vandræði með netþjónustur Microsoft

Atli Ísleifsson skrifar 25. janúar 2023 08:21

Fjölmargir notendur þjónustu Microsoft hafa lent í vandræðum í morgun. Getty

Bandaríski tæknirisinn Microsoft rannsakar nú bilun sem varð í netþjónustu fyrirtækisins í morgun. Fjölmargir hafa átt í vandræðum með að tengjast þjónustum á borð við Teams og Outlook.

Á síðunni Downdetector, þar sem netnotendur tilkynna margir um truflanir á síðum og forritum, má sjá að þúsundir tilkynntu um truflanir í Outlook, Teams, Microsoft 365 og Microsoft Store.

Í færslu Microsoft á Twitter má sjá að verið sé að rannsaka málið og að hægt sé að fylgjast með framgangi málsins á heimasíðu Microsoft.

We've identified a potential networking issue and are reviewing telemetry to determine the next troubleshooting steps. You can find additional information on our status page at https://t.co/pZt32fOafR or on SHD under MO502273.
— Microsoft 365 Status (@MSFT365Status) January 25, 2023

Rúmlega 280 milljónir manna nota Microsoft Teams sem er mikilvægt forrit í rekstri fyrirtækja og skóla, meðal annars notað sem síma-, samskipta- og skipulagningaforrit.

Microsoft

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.