Ekki boðlegt fyrir landsliðsþjálfara Íslands Sindri Sverrisson skrifar 23. janúar 2023 11:27 Guðmundi Guðmundssyni var heitt í hamsi þegar hann fór í viðtöl eftir lokaleik Íslands á HM í gær. VÍSIR/VILHELM Guðjón Guðmundsson gerði upp frammistöðu Íslands á HM karla í handbolta í Bítinu á Bylgjunni í morgun og sagði niðurstöðuna mikil vonbrigði, þó að hann hefði alltaf talið það ofmat að ætla liðinu verðlaun. Hann sagði viðbrögð landsliðsþjálfarans í viðtali eftir mótið ekki boðleg. „Ég gerði kröfu um það í aðdraganda mótsins að Ísland næði einu af átta efstu sætunum. Ég gerði mér vonir um það að íslenska liðið myndi enda í sjötta sæti. Það var ofmat á íslenska liðinu að ætlast til þess að það næði í verðlaun á þessu heimsmeistaramóti. Við erum bara ekki komnir þangað. En að ná ekki einu af átta efstu sætunum eru sannarlega mikil vonbrigði,“ sagði Guðjón, eða Gaupi eins og hann er oftast kallaður, en hlusta má á viðtalið við hann hér að neðan. Ísland endar sennilega í 11. eða 12. sæti á HM, allt eftir úrslitum leikja í dag, en Guðjón segir að átján mínútna kafli í tapinu gegn Ungverjum hafi á endanum ráðið örlögum Íslands. Telur hann Guðmund Guðmundsson landsliðsþjálfara bera ábyrgð á því? Bentum á að það væri hættulegt að fara þá leið „Auðvitað er það liðið líka. Besti maður liðsins klikkar á þremur dauðafærum. En þjálfarinn ber líka ábyrgð. Við sáum það í viðtölum eftir leikinn í gær líka sérstaklega, að hann talar um að sérfræðingar hafi verið með „eftir á“-skýringar. Ég verð að leggja hér orð í belg. Í Pallborði á Vísi í aðdraganda mótsins, þá sáum við þetta svolítið fyrir. Við sögðum þar að hann myndi nota átta leikmenn í tveimur fyrstu leikjunum, sem hann og gerði,“ sagði Guðjón og hélt áfram: „Við bentum líka á að það væri hættulegt fyrir hann að fara þá leið, einfaldlega vegna þess að íslenska liðið var búið að leika tvo vináttulandsleiki í Þýskalandi í aðdraganda mótsins og við vissum líka að Ómar Ingi Magnússon var ekki heill heilsu og að það væru áhöld um stöðuna á Aroni Pálmarssyni. Auðvitað eru það mikil áföll að missa þessa tvo leikmenn út úr liðinu en við getum ekki hengt okkur á það, og þjálfarinn getur ekki leyft sér að tala um „eftir á“-skýringar. Það var búið að tala um þetta allt í aðdraganda mótsins,“ sagði Guðjón og bætti við að landsliðsþjálfari yrði alltaf að axla ábyrgð. „Eftir suma leiki henti hann liðinu bara undir rútuna. Hann var svekktur og sár, búinn að undirbúa liðið af kostgæfni, ég efast ekki um það. En að segja að þetta séu „eftir á“-skýringar, ég kaupi það alls ekki.“ „Hann brást mjög illur við í þessu viðtali“ Guðjón sagði sömuleiðis ekki boðlegt hvernig landsliðsþjálfarinn hefði látið í viðtali við Helgu Margréti Höskuldsdóttur á RÚV eftir leikinn við Brasilíu í gær: „Hann brást mjög illur við í þessu viðtali. Ég verð að segja alveg eins og er að fyrir landsliðsþjálfara Íslands finnst mér það ekki boðlegt. Menn verða jú að halda haus, sama hvort það gengur vel eða illa. Þú getur ekki bara ætlast til að fá þægilegar spurningar ef það gengur illa, og að þetta sé svolítið eftir þínu höfði. Mér fannst svörin við Helgu, sem tók mjög gott viðtal og spurði bara eðlilegra spurninga, ekki nægilega góð.“ Guðjón tekur hins vegar ekki undir með þeim sem kallað hafa eftir því að Guðmundur stígi frá borði, og bendir á að fram undan séu mikilvægir leikir við Tékkland 8. og 12. mars í undankeppni EM, sem lýkur í vor. Evrópumótið fer svo fram í Þýskalandi í janúar á næsta ári. Óvarlegt að skipta um þjálfara núna „Ég myndi telja það mjög óvarlegt að skipta um þjálfara á þessum tímapunkti, nema því aðeins að hann vildi það sjálfur. En auðvitað verða menn að skoða mótið. Handknattleikssambandið þarf að fara í saumana á mótinu, það þarf að tala við leikmenn íslenska liðsins. Þeir geta og vilja ná góðum árangri í Þýskalandi, sem ég held að sé mögulegt. En auðvitað verður þjálfarinn að bera ábyrgð á gengi liðsins núna. Það var ekki nægilega gott. Væntingarnar voru miklar. Það má ekki gleyma því að Guðmundur hafði það að markmiði að ná ólympíusæti. Þegar hann tók við liðinu fyrir fimm árum ætlaði hann að koma íslenska liðinu á þremur árum á meðal átta bestu handboltaþjóða í heimi. Það hefur bara ekki tekist nægilega vel,“ sagði Guðjón og bætti einnig við: „Ég undirstrika að Guðmundur er frábær þjálfari. Eini íslenski þjálfarinn sem hefur náð í verðlaun á stórmóti með íslenskt landslið.“ Landslið karla í handbolta HM 2023 í handbolta Bítið Mest lesið Mari Järsk sigurvegari Bakgarðshlaupsins Sport Áflogaseggir fá ekki að mæta aftur á völlinn Körfubolti Mari meyr eftir sigurinn Sport Stórfurðuleg atburðarás þegar markvörður KR sá rautt Íslenski boltinn Þambar kakó og rjóma eftir magnað afrek: „Upp og niður eins og lífið“ Sport Þorleifur horfði á Íslandsmet sitt falla: „Kom á óvart“ Sport Freyr nærri kraftaverki: „Þetta var fokking taugatrekkjandi“ Fótbolti Baunað á Brady: „Þín verður ávallt minnst sem tíkar Eli Manning“ Sport Í beinni: Breiðablik - Valur | Mikil pressa á gestunum Íslenski boltinn Dómarinn verður með myndavél á höfðinu Enski boltinn Fleiri fréttir Fjórir frá vegna meiðsla: „Dagurinn ekkert frábær á skrifstofunni“ „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Sjá meira
„Ég gerði kröfu um það í aðdraganda mótsins að Ísland næði einu af átta efstu sætunum. Ég gerði mér vonir um það að íslenska liðið myndi enda í sjötta sæti. Það var ofmat á íslenska liðinu að ætlast til þess að það næði í verðlaun á þessu heimsmeistaramóti. Við erum bara ekki komnir þangað. En að ná ekki einu af átta efstu sætunum eru sannarlega mikil vonbrigði,“ sagði Guðjón, eða Gaupi eins og hann er oftast kallaður, en hlusta má á viðtalið við hann hér að neðan. Ísland endar sennilega í 11. eða 12. sæti á HM, allt eftir úrslitum leikja í dag, en Guðjón segir að átján mínútna kafli í tapinu gegn Ungverjum hafi á endanum ráðið örlögum Íslands. Telur hann Guðmund Guðmundsson landsliðsþjálfara bera ábyrgð á því? Bentum á að það væri hættulegt að fara þá leið „Auðvitað er það liðið líka. Besti maður liðsins klikkar á þremur dauðafærum. En þjálfarinn ber líka ábyrgð. Við sáum það í viðtölum eftir leikinn í gær líka sérstaklega, að hann talar um að sérfræðingar hafi verið með „eftir á“-skýringar. Ég verð að leggja hér orð í belg. Í Pallborði á Vísi í aðdraganda mótsins, þá sáum við þetta svolítið fyrir. Við sögðum þar að hann myndi nota átta leikmenn í tveimur fyrstu leikjunum, sem hann og gerði,“ sagði Guðjón og hélt áfram: „Við bentum líka á að það væri hættulegt fyrir hann að fara þá leið, einfaldlega vegna þess að íslenska liðið var búið að leika tvo vináttulandsleiki í Þýskalandi í aðdraganda mótsins og við vissum líka að Ómar Ingi Magnússon var ekki heill heilsu og að það væru áhöld um stöðuna á Aroni Pálmarssyni. Auðvitað eru það mikil áföll að missa þessa tvo leikmenn út úr liðinu en við getum ekki hengt okkur á það, og þjálfarinn getur ekki leyft sér að tala um „eftir á“-skýringar. Það var búið að tala um þetta allt í aðdraganda mótsins,“ sagði Guðjón og bætti við að landsliðsþjálfari yrði alltaf að axla ábyrgð. „Eftir suma leiki henti hann liðinu bara undir rútuna. Hann var svekktur og sár, búinn að undirbúa liðið af kostgæfni, ég efast ekki um það. En að segja að þetta séu „eftir á“-skýringar, ég kaupi það alls ekki.“ „Hann brást mjög illur við í þessu viðtali“ Guðjón sagði sömuleiðis ekki boðlegt hvernig landsliðsþjálfarinn hefði látið í viðtali við Helgu Margréti Höskuldsdóttur á RÚV eftir leikinn við Brasilíu í gær: „Hann brást mjög illur við í þessu viðtali. Ég verð að segja alveg eins og er að fyrir landsliðsþjálfara Íslands finnst mér það ekki boðlegt. Menn verða jú að halda haus, sama hvort það gengur vel eða illa. Þú getur ekki bara ætlast til að fá þægilegar spurningar ef það gengur illa, og að þetta sé svolítið eftir þínu höfði. Mér fannst svörin við Helgu, sem tók mjög gott viðtal og spurði bara eðlilegra spurninga, ekki nægilega góð.“ Guðjón tekur hins vegar ekki undir með þeim sem kallað hafa eftir því að Guðmundur stígi frá borði, og bendir á að fram undan séu mikilvægir leikir við Tékkland 8. og 12. mars í undankeppni EM, sem lýkur í vor. Evrópumótið fer svo fram í Þýskalandi í janúar á næsta ári. Óvarlegt að skipta um þjálfara núna „Ég myndi telja það mjög óvarlegt að skipta um þjálfara á þessum tímapunkti, nema því aðeins að hann vildi það sjálfur. En auðvitað verða menn að skoða mótið. Handknattleikssambandið þarf að fara í saumana á mótinu, það þarf að tala við leikmenn íslenska liðsins. Þeir geta og vilja ná góðum árangri í Þýskalandi, sem ég held að sé mögulegt. En auðvitað verður þjálfarinn að bera ábyrgð á gengi liðsins núna. Það var ekki nægilega gott. Væntingarnar voru miklar. Það má ekki gleyma því að Guðmundur hafði það að markmiði að ná ólympíusæti. Þegar hann tók við liðinu fyrir fimm árum ætlaði hann að koma íslenska liðinu á þremur árum á meðal átta bestu handboltaþjóða í heimi. Það hefur bara ekki tekist nægilega vel,“ sagði Guðjón og bætti einnig við: „Ég undirstrika að Guðmundur er frábær þjálfari. Eini íslenski þjálfarinn sem hefur náð í verðlaun á stórmóti með íslenskt landslið.“
Landslið karla í handbolta HM 2023 í handbolta Bítið Mest lesið Mari Järsk sigurvegari Bakgarðshlaupsins Sport Áflogaseggir fá ekki að mæta aftur á völlinn Körfubolti Mari meyr eftir sigurinn Sport Stórfurðuleg atburðarás þegar markvörður KR sá rautt Íslenski boltinn Þambar kakó og rjóma eftir magnað afrek: „Upp og niður eins og lífið“ Sport Þorleifur horfði á Íslandsmet sitt falla: „Kom á óvart“ Sport Freyr nærri kraftaverki: „Þetta var fokking taugatrekkjandi“ Fótbolti Baunað á Brady: „Þín verður ávallt minnst sem tíkar Eli Manning“ Sport Í beinni: Breiðablik - Valur | Mikil pressa á gestunum Íslenski boltinn Dómarinn verður með myndavél á höfðinu Enski boltinn Fleiri fréttir Fjórir frá vegna meiðsla: „Dagurinn ekkert frábær á skrifstofunni“ „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Sjá meira