Innlent

„Við sjáum þetta snjó­magn ekki oft“

Viktor Örn Ásgeirsson skrifar
Þessa mynd birti lögreglan í Vestmannaeyjum í morgun með tilkynningu um snjómokstur. Fólk var þá beðið um að halda sig heima en samkvæmt nýjustu upplýsingum er allt orðið fært í eyjum.
Þessa mynd birti lögreglan í Vestmannaeyjum í morgun með tilkynningu um snjómokstur. Fólk var þá beðið um að halda sig heima en samkvæmt nýjustu upplýsingum er allt orðið fært í eyjum. lögreglan í vestmannaeyjum

Vel hefur gengið að ryðja götur í Vestmannaeyjum en ófært var á fjölda gatna í bænum í gær. Björgunarsveitarmaður segist sjaldan hafa séð jafn mikið magn af snjó og nú hefur verið.

„Við sjáum þetta snjómagn ekki oft en við sjáum það núna. Þetta er ívið meira heldur en í meðalári – og lengur. Þetta er farið að telja í nokkuð marga daga, og var byrjað þarna vel fyrir jól,“ segir Adólf Þórsson hjá Björgunarfélagi Vestmannaeyja. 

Hann segir að björgunarsveitarmenn hafi blessunarlega ekki staðið í ströngu við að losa bíla.

„En það voru náttúrulega bara allir í jólaboðum og höfðu það kósí heima. Þetta er bara partur af þessu, við viljum öll halda hátíðleg jól og þá hjálpumst við bara að, hvert annað, svo við náum því.“

Samkvæmt nýjustu upplýsingum eru allar götur orðnar færar í Vestmannaeyjum.

Vestmannaeyjar Snjómokstur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið